Mitînga 8ê Adarê ya bi dirûşma “Em li dijî qirqirina jinan serî hildidin, ber bi azadiyê ve dimeşin” bi gerandina govendê û berzkirina dirûşma “Jin jiyan azadî” bi dawî bû.
Tevgera Jinên Azad (TJA) bi tevlibûna hezaran jinan bi dirûşma “Em li dijî qirqirina jinan serî hildidin, ber bi azadiyê ve dimeşin” li Qada Îstasyonê ya Amedê mitîngek li dar xist. Piştî peyama Rêberê Gelê Kurd Abdullah Ocalan û axaftina siyasetmedaran, hunermend Rojda derket ser dikê.
Hunermend Rojda strana ku ji bo jinan amade kiribû û gelek stranên din gotin. Girseyê li qada mitîngê li ber stranan govend gerand û dirûşm berz kirin. Hunermend Rojda li ber stranên xwe jinan rakir govendê û kêfxweş kir.
Piştî Rojda stranên xwe gotin girse silav kir û xatir xwest. Jin bi berzkirina dirûşmeya “Jin jiyan azadî” qefle bi qefle belav bûn.
