Enqere – MYKa DEM Partiyê ji bo hevdîtina herî dawî ya bi Rêberê Gelê Kurd Abdullah Ocalan re, zextên li dijî CHPê û geşedanên dawî yên rojevê binirxîne civiya.
Lijneya Rêveber a Navendî (MYK) ya DEM Partiyê bi tevlibûna Hevserokên Giştî Tulay Hatîmogullari û Tuncer Bakirhan, li navenda partiyê civiya. Hat zanîn ku dê MYKa DEM Partiyê di civînê de mijarên têkildarî Pêvajoya Aştî û Civaka Demokratîk, Hevdîtina Şandeya Îmraliyê ya bi Rêberê Gelê Kurd Abdullah Ocalan re kiriye, zextên li dijî muxalefetê û geşedanên di rojevê de nîqaş bike.
Herwiha MYK dê rojevên têkildarî geşedanên li herêmê, 1ê Îlonê Roja Aştiyê ya Cîhanê, polîtîkayên qirkirina xwezayê, xebatên DEM Partiyê yên meha Îlonê binirxîne.
