Hevşaredarê Qaxizmanê Mehmet Alkan ku ewil 6 sal û 3 meh cezayê girtîgehê lê birîn û piştre şaredarî ji destê wî girtin. Hevşaredar Mehmet Alkan anî ziman ku ev doza wî 5 sal in didome, lê piştî bû şaredar lez dan darizandinê û ceza kirin. Mehmet Alkan, destnîşan kir ku ew ne hevşaredar bûya dê beraat kiribûya.
Dadgehê di 20ê Sibatê de bi îdiaya “endamtiya rêxistinê” 6 sal û 3 meh cezayê hefsê li Hevşaredar Mehmet Alkan birî. Piştî ceza li Mehmet Alkan birîn, di 24ê Sibatê de bi hinceta ceza lê hatiye birîn, Mehmet Alkan ji peywirê girtin û li şûna wî qeyûm tayînkirin. Wezîre karên hundir di nava 9 mehan de 10 şaredariyên DEM partiyê desteser kirin. Ji hilbijartina 31ê Adara 2024an heta niha qeyûm tayini 12 şaredaran kirin. Wezaretê cara ewil di 3yê Hezîranê de li Şaredaria Colemêrgê qeyûm tayîn kir. Bi biryara qeyûm re Hevşaredar Siddik Akiş hate girtin û di 5ê Hezîranê de 19 sal û 6 meh cezayê hefsê lê hate birîn. Şaredarê Esenyurt a Stenbolê Ahmet Ozer ê CHPî ku bi modêla “Lihevkirina bajar” hatibû hilbijartin, di 30ê Cotmeha 2024an de bi îdiaya “endamtiya rêxistinê” hate binçavkirin û piştre hate girtin. Di 31ê Cotmehê de jî Cîgirê Waliyê Stenbolê Can Aksoy weke qeyûm li şûna Ozer hate tayînkirin.
Di 4ê Mijdarê de jî li Şaredariya Bajarê Mezin a Mêrdînê, Şaredariya Êlihê û Şaredariya Xelfetî ya Rihayê yên DEM Partiyî qeyûm hatin tayînkirin. Di 22yê Mijdarê de qeyûm tayînî Şaredariya Dêrsimê ya DEM Partiyî û li Şaredariya Pulur a Dêrsimê ya CHPî qeyûm kir. Dadgehê ewil 6 sal û 3 meh cezayê a Hevşaredarê Dêrsimê Cevdet Konak û Şaredarê Pulurê Mûstafa Sarigul hatibûn birîn, weke hinceta tayînkirina qeyûm hatin nîşandan. Di 29ê Mijdarê de jî Hevşaredarê Miks a Wanê Ayvaz Hazir ji peywirê hate girtin û li şûna wî qeyûm hate tayînkirin. Di 10ê çile de Hevşaredar Nûriye Arslan û Hoşyar Sariyildiz binçav kirin û girtin. Di 14ê Çileyê de jî li Şaredariya Akdenîzê qeyûm tayînkirin. Di 28ê Çile de jî dadgehê li Hevşaredara Sêrtê Sofya Alagaş bi îdiaya “endamtiya rêxistinê” 6 sal û 3 meh cezayê hefsê lê birîn. Wezçîr di 29ê Çileyê de ji qeyûm tayînî şûna Sofya Alagaş kirin.
Di 11ê Sibatê de jî dadgehê 3 sal û 6 meh ceza li Abdullah Zeydan birî û di 15ê Sibatê de jî qeyûm tayînnî şûna wî kirin. Herî dawî jî di 24ê sibatê de qeyûm tayînî Şaredariya Qaxizmane kirin.
Mehmet Alkan: Darbeya li dijî vîna gel e
Têkildarî armanca qeyûm Hevşaredarê Qaxizmanê Mehmet Alkan nirxandin kir. Mehmet Alkan anî ziman ku 5 sal berê dozek li wî hatibû vekirin û wiha got: “Li ser şahide nepen dozek li min vekeribûn. Piştî ku ez bûm hevşaredar lez dan lêpirsîna dozê. Herî dawî di 20ê sibatê de danişîna biryarê hebû. Ji ber zivistan bû. Berf û baran bû, parêzeran hincet nîşan dan. Dadgehê jî qebûl kir û em paşve vegeriyan. Lê piştre dîsa hincet red kirin û di danişînê de 6 sal û 3 meh ceza birîn. Bi vî cezayî xwestin rê li pêşiya qeyûm vekin. Eger ez ne hevşaredar bûma, min dê ji vê dosyayê beraat kiribûya.”
Mehmet Alkan da zanîn ku piştî ceza li wî birîn, zanîbûn ku dê qeyûm tayîn bikin û wiha axivî: “Li gel îhtîmala qeyûm tayîn bikin me dîsa şaredarî terk nekir. Lê saet di 2ê şevê de bi ser şaredariyê de girtin. Em nizanin em rastî çi hatin. Dema ketin şaredariyê me bertekên xwe anîn ziman. Me diyar kir ku ev darbe ye. Lê dîsa biryara tayînkirina qeyûm ji mere xwendin. Me diyar kir ku em vê biryarê qebûl nakin. Em bi biryar bûn ku ji şaredariyê dernakevin. Lê me dît ku gelek polîs hatine şaredarî dorpêç kirine. Li ser vê dorpêça zêde em dîsa bi wekîlên xwe û rêveberên xwe re axivîn û ji bo alozî dernekevin me biryar da ku bi dirûşmeyan şaredariyê terk bikin. Li ser vê yekê me bi dirûşm û tilîlîyan şaredarî terk kir û em çûn avahiya rêxistina DEM partiyê.”
‘Bi qeyûman şaredariyan desteser dikin’
Di hilbijartina dawî de ewil Hevşaredaran ceza dikin û piştre qeyûm tayini şûna wan dikin. Li ser vê mijarê Hevşaredar Mehmet Alkan nirxandin kir û wiha got: “Şaredariyen ku îktîdar di hilbijratinan de nikare bi dest bixe, hewl dide bi qeyûman ji me bistîne. Gel di hilbijratinan de ders dide wan. Lê ji ber desthilat vê yekê tehamul nake, qeyûm tayîn dike. Piştî hilbijartina 31ê Sibate qeyûm tayînî 12 şaredariyan kirin. Wisa xuya dike ku dê ji niha û şûn de jî tayînkirina qeyûman berdewam bikin. Ev ne ya ewil e û ne jî ya dawî ye. Em di nava gel de ne. Em diyar dikin ku ev zilm û darbe ye. Em vê yekê qebûl nakin. Em li nava gel geriyan. Me daxwaz û nerînên gel girtin. Bertekên gel ên li dijî qeyûm gelek zêde ne.”
Bertekên gel di asta herî jor dene
Mehmet Alkan bal kişand ser bertekên gel û wiha axivî: “Gel diyar dike ku ev zelm û neheqî ye. Tayînkirina qeyûm qebûl nakin. Destnîşn dikin ku ev binpêkirina rûmetê ye. Em jî destnîşan dikin ku ev li dijî hiqûq û mafên mirovan e.”
Mehmet Alkan nirxandinênn Serokkomar Erdogan ên “Yên bi hilbijratinê hatin de bi hilbijratinê biçin” jî nirxand û got: “ Raste yên bi hilbijartinê hatin divê bi hilbijartinê biçin. Lê em bi hilbijartinê tên ser kar û em bi qeyûm diçin. Ev qet nayê qebûlkirin. Gotinên wan hev nagirin. Ew li gorî xwe diyar dikin.”
Mehmet Alkan bertek û nerazibûnên partiyên muxalif ên li dijî qeyûman jî nirxand û wiha lê zêde kir: “Gel bertek nîşanî tayînkirina qeyûman dide. Lê partî û rêveberên wan zêde bertek nîşan nadin. Partiyên din ên muxalif bertekên wan heye. Lê kêm e. Partiyên ku demokrasiyê diparêzin çiqa sbertek nîşanî vê yekê didin. Gel li dijî qeyûm hestiyar û bi bertek e. Gel li dijî qeyûm e. Gel ên deng dane me û deng nedaneme, hemû li dijî qeyûman.”
‘Xebatên me dê bidomin’
Mehmet Alkan li ser xebatên ji bo siberojê jî axivîe û wiha got :”Em din ava gel de ne. Em ê xebatên xwe berdewam bikin. Em cihê xwe terk nakin. Em ê di xizmeta gel de bin.”
