Çalakvana mafê mirovan a xwedî xelata aştiyê ya Nobelê Nêrgiz Mihemediyê diyar kir ku Şoreşa “Jin, Jiyan, Azadî” di civakê de zindî ye û didome.
Girtiya siyasî ya berê û çalakvana mafê mirovan a xwedî xelata aştiyê ya Nobelê Nêrgiz Mihemediyê têkildarî Şoreşa “Jin, Jiyan, Azadî” yê de ji Ajansa Navneteweyî ya Îranê re axivî û wiha got: “Şoreşa ‘Jin, Jiyan, Azadî’ hîna zindî ye û guhertinek mezin di civakê de afirandiye. Ev yek jî encama hêz û berxwedana gel û jinan e. Zindîbûna Şoreşê dikarin di demarên civakê de bibînin. Ne şerte ku welatî bi berdewam li kolananbin û xwepêşandan lidarbixin, bi şêwazên cuda jî nerazîbûn li dijî desthilatê nîşan didin û Şoreş berdewam dibe.”
Di dewama axaftina xwe de Nêrgiz Mihemediyê destnîşan kir ku baweriya bi rejîma Îranê kêm bûye û desthilata wê lawaz bûye ku hebûna jinên bêserpoş nîşana lawaziya desthilatê ye.
