Di 21emîn Kongreya Awarte ya CHPê de Ozgur Ozel dîsa weke serokê giştî hate hilbijartin.
CHPê 21emîn Kongreya xwe ya Awarte li Navenda Çandê ya Nazim Hîkmet a li Enqereyê li dar xist. Ozgur Ozel di kongreyê de dîsa weke serokê giştî hate hilbijartin. Şaredarê Mûratpaşayê yê Antalyayê û parlamenterê berê Berhan Şîmşek saetek piştî destpêkirina kongreyê namzetiya xwe vekişandin. Hat ragihandin ku Berhan Şîmşek 97 îmze 5 deqeyan dereng teslîm kiriye lewma namzetiya wî ya ji bo serokatiya giştî nehatiye qebûlkirin.
Piştre jî dengdayin dest pê kir. Li gorî encamên neteqez, ji hezar û 323 delegeyan hezar û 276an dengê xwe dan û ji wan hezar û 171 jê derbasdar bûn. Ozgur Ozel ji ber ku tekane namzet bû tevahiya dengan wergirt û ji nû ve bÛ Serokê Giştî yê CHPê.
