Ji Şandeya Îmraliyê Pervîn Buldan li Girtîgeha Sîncanê bi girtiyên jin ên siyasetmedar re hevdîtin kir û li pêşniyazên wan ên têkildarî pêvajoyê guhdarî kir.
Endama Şandeya Îmraliyê ya DEM Partiyê û Parlamentera Wanê Pervîn Buldan li Girtîgeha Sîncanê ya Enqereyê bi Hevseroka Kongreya Civaka Demokratîk (KCD) Leyla Guven û girtiyên jin re hevdîtin kir. Buldan di hevdîtinê de agahiyên têkildarî hevdîtina dawî ya li Girava Îmraliyê bi Rêberê PKKê Abdullah Ocalan re kiribûn, bi jinên girtî re parve kir. Têkildarî pêvajoyê nirxandin hatin kirin û li pêşniyazên girtiyên jin hate guhdarîkirin.
Leyla Guven û girtiyên din ên jin, di hevdîtinê de destnîşan kirin ew piştgiriyê didin perspektîfa çareseriyê ya Abdullah Ocalan li pêş dixe û dê xwedî li îradeya çareseriyê derkevin. Jinan ji bo çareseriyê banga hestiyariyê li raya giştî kir.
