Şandeya Îmraliyê ku ji Pervîn Buldan û Faîk Ozgur Erol pêk tê, piştî li Îmraliyê bi Rêberê Gelê Kurd Abdullah Ocalan re hevdîtin kirin, ji Girava Îmraliyê vegeriya û daxuyanî da. Endama şandeyê Pervîn Buldan, anî ziman ku hevdîtin erênî derbas bû. Pervîn Buldan peyama Rêberê Gelê Kurd Abdullah Ocalan a ji bo Sirri Sureyya Onder parve kir.
Endamên Şandeya Îmraliyê ya Partiya Wekhevî û Demokrasiyê ya Gelan (DEM Partî) Pervîn Buldan û parêzerê Buroya Hiqûqê ya Sedsalê Faîk Ozgur Erol ji bo hevdîtina bi Rêberê Gelê Kurd Abdullah Ocalan re bikin serê sibê çûn Îmramliyê. Endamên şandeyê piştî hevditin kirin ji Girava Îmraliyê vegeriyan. Endamên şandeyê piştî vegeriyan daxuyanî dan. Li ser navê şandeyê Pervîn Buldan axivî û wiha got: “Me nêzî 2 saet û nîvan hevdîtin kir. Piştî me hevditin kir em vegeriyan. Hevdîtin pir erênî derbas bû. Mijara ewil û sereke tendristiya Sirri Sureya Onder bû. Got ‘Ez mijarê ji nêzîk ve dişopînim. Hemû nûçeyan dişopîne. Ez ji ber rewşa Sirri Sureyya Onder pir xemgîn im.’ Got ‘Ez dixwazim demek lezgîn bigêje tenduristiyê xwe. Ez heviya xwe ya der barê pêvajoyê de diparêzim.’ û heviyên xwe anîn ziman.
Rêzdar Abdullah Ocalan li ser rewşa Sirri Sureyya peyam şand û got: “
Ji Sirri Sureyya Onder re
Ji bo Sirri Sureyya Onder. Ji ber nexweşiya Sirri şifayên xêrê dixwazim. Ji malbat, dostên wî û heskirinên wî re dibêjim derbasî be û şifa be. Min bi Sirri Sureya Onder re 12 sal mesayî derbas kir. Girîngiya wî ev e: Ji Semsûrê ye. Ji koka Turkmenan e. Kevneşopiya Baba Îshak temsîl dike. Hewldana aştiya mezin teyisand civakê. Di şexsê xwe de pêşdaraza civakê şikand. Pêşdaraziyên civakê şikand. Pêşdarazî di Meclisê de şikand. Li kolanê şikand. Tişta em dibêjin aştî, genên Anadoliyê û kevneşopiya Turkmenan mayinde kirin û xistina meriyetê ye. Onder kesayeteke wisa ye. Cewherê Turkmeniya rast jî ev e. Nasnameya herî baş a aştiyê û nasnameya herî maş a çandê ew e ku li dijî feraseta ‘Bi israr bikim dijmin û bi vê şêwazê siyasetê bikim’ tevgerandin e.
Çanda Onder a têkoşîna li dijî neyîniyan û li gel neyîniyan meşandin gelek girîng e. Neyîniyên ku derketin holê beyî wan kûr bike ew vegerandin aliyê erênî. Kesên girêdayî wî divê hewldanên wî yên aştiyê jî têxin pratîkê. Careke din ez ji bo wî, malbata wî û hezkiriyên wî dibêjim derbasî be. Ez hevî dikim ku demek berî demekê baş bibe û bi coş û bi hêz têkeve nava me.”
Wekî şandeya Îmraliyê em dibêjin derbasî be û şifa dixwazin.”
