Endama Şandeya Îmraliyê ya DEM Partiyê Pervîn Buldan çû serdana jinên siyasetmedar ên li girtîgehên Kandira û Gebzeyê tên ragirtin.
Endama Şandeya Îmraliyê ya Partiya Wekhevî û Demokrasiyê ya Gelan (DEM Partî) Pervîn Buldan, çû serdana girtiyên jin ên ên li girtîgehên Kandira û Gebzeyê. Buldan têkildarî hevdîtina dawî ya bi Rêberê PKKê Abdullah Ocalan re agahî da girtiyan.
Buldan li Girtîgeha Jinan a Kandirayê serdana Hevseroka Giştî ya HDPê ya berê Fîgen Yuksekdag kir û silav û peyamên Abdullah Ocalan jê re ragihandin. Yuksekdag jî got: “Em qîmeteke mezin didin pêvajoya ku birêz Ocalan daye destpêkirin. Ev pêvajo dê bibe qonaxeke nû ya têkoşîna me ya ked û azadiyê. Em ê bi hemû hêza xwe piştgiriyê bidin.”
