Piştî hevditina Amerîka û Îranê ya li Umanê Serokwezîrê Îsraîlê Benjamîn Netanyahu aşkera kir ku dê biçe Amerîkayê û bi Serokê Amerîkayê Donald Trump re bicive.
Piştî civîna li ser nukleerê ya li bajarê Mesqetê yê Paytexta Umanê di navbera nûnerê Amerîkayê û Îranê de pêk hat Ofîsa Serokwezîriya Îsraîlê ragihand ku Serokwezîr Netanyahu dê 11ê Sibatê biçe serdana Amerîkayê û li Washingtonê bi Serokê Amerîkayê Donald Trump re hevdîtinê pêk bîne. Di daxuyaniyê de li ser du mijaran nêrîna Îsraîlê hat aşekerakirin. Li gorî vê Îsraîl dixwaze ku Amerîka di hevdîtinên bi Îranê re teqez mijara moşekan û rawestandina piştgiriya ji bo mîlîsên li hermê bike rojev û derbarê wan de encamên teqez werbigire.
Her wiha Îsraîl dixwaze peymana siberojê pêk bê ne tenê meseleya nukleerî, di heman demê de gefên din ên Îranê yên li ser herêmê jî di navê de cih bigirin. Roja 7ê Sibata 2026an Nûnerê Amerîkayê yê Taybet ê Rojhilata Navîn Steve Witkoff û şêwirmendê Donald Trump Jared Kushner bi Wezîrê Karên Derve yê Îranê Abbas Arakçî re li Bajarê Mesqetê yê paytexta Umanê civiyabûn. Serokê Amerîkayê Donald Trump piştî civînê diyar kir ku hevdîtinên baş kirine, Îran dixwaze bi wan re peymanekê çêke û dê hevditin berdewam bikin.
Wezîrê Karên Derve yê Îranê Abbas Eraqçî jî piştî çivînê diyar kiribû ku di hevdîtinê de tenê li ser nûkleerê xeber dane û dê hevdîtin bidomin.
