Piştî kuştina Husên Selamî û Mihemed Bakirî, artêşa Îranê di fermandariya asta bilind a leşkerî de hinek guhertinan çêkir.
Piştî kuştina Huseyîn Selamî û Mihemed Baqerî di êrîşeke hewayî de, Ehmed Wehîdî wekî fermandarê demkî yê Supaya Pasdarên Şoreşa Îranê û Hebîbullah Seyarî jî wekî fermandarê demkî yê Fermandariya Giştî ya Îranê hatin tayînkirin.
Îsraîlê îro berbanga sibehê bi navê “Operasyona Şêrê Bilind dibe” de êrişên hewayî li ser Îranê pêk anî. Hate ragihand ku di encama êrişên Îsraîlê de Fermandarê Giştî yê Supayê Pasdaran yê Îranê Husên Selamî û Fermandarê Artêşa Îranê Mihemed Bakirî hatine kuştin.
Piştî kuştina her du fermandaran, rêveberiya Îranê fermandarên demkî di rêvebirina her du saziyan de bi cih kir.
Li gorî agahiyên di medya Îranê de hatine belavkirin, Ehmed Vahidi wekî fermandarê demkî yê Supayê Pasdaran yê Îranê, Hebîbullah Seyyarî jî wekî fermandarê demkî yê Fermandariya Giştî ya artêşa Îranê hatine tayînkirin. Her du nav jî di demên berê de di statuyên leşkerî û siyasî yên bilind de cih girtine.
Ehmed Vahîdî di salên 1988 heta 1998an, rêveberiya yekîneya operasyonên derve ya Supaya Pasdarên Îranê, Hêza Qudsê kir. Her wiha di navbera salên 2009 heta 2013an wek Wezîrê Parastinê û ji sala 2021 heta 2024an wek Wezîrê Karên Hundir xebat meşandiye. Tê îdiakirin ku destê Vahîdî di êrişa bombeyî ya li ser navenda civaka Yahûdiyan a li paytexta Arjantînê Buenos Aires ya di sala 1994an de heye.
Her wiha Serokê Fermandariya Giştî yê demkî yê nû Hebîbullah Seyyarî, di navbera salên 2007 û 2017an de wek Fermandarê Hêzên Deryayî yên Îranê kar kiriye. Seyyarî, ku berê leşkerekî deryayî bû, di salên dawî de beşdarî gelek mîsyonên leşkerî yên stratejîk bûye.
