Merasîma sersaxiyê ya ku dihat plankirin li mala malbata endama YJA Starê Şîrîn Işik a ku di sala 2018’an de jiyana xwe ji dest da şîn bê danîn, ji aliyê polîsan ve hat astengkirin.
Ji bo endama YJA Starê Şîrîn Işik (Arvîn Çirav Botan) ku hat aşkerekirin di sala 2018’an de li Xakurkê ya Herêma Kurdistana Federe di pevçûnekê de jiyana xwe ji dest daye, hewl hat dayîn li mala malbatê ya li navçeya Akdenîz a Mersînê -şîn bê danîn. Lê polîsan bi wesayîtên zirxî bi girtina ketin û ketina taxê re hewl dan rê li ber sersaxiyê bigirin.
Rêveberên MEBYA-DER, DEM Partiyê yên bajêr û navçeyan xwestin serdana şînê bikin, lê polîsên ketin û derketina taxê girtin, diyar kirin ku ger şîn bidome dê mudaxile bikin.
Tevî muzakereyên hatin kirin jî şîn li ber mala malbatê nehat danîn. Tê payin bi pêşengiya MEBYA-DER û DEM Partiyê sibê saet di 14.00’an de bi girseyî serdana şînê bê kirin.
