Li şahiya zarokan de polîsan xwestin wêneyên zarokan xêz kirine berhev bikin. Kordînatorê Ma Music Centirê Şêrko Kanîwar diyar kir ku ev êrîş provokekirina pêvajoya Aştî û Civaka Demokratîk e.
Li navçeya Erxeni ya Amedê Şahiya 2yemîn a Dîrok, Çand û Gastronomiyê de Bernama GerokMa yê zarokan xêz çêkir. Zarokan xwestin çi çêbikin ya di dilê wan de çi ye were xêzkirin û mijara xêzê jî “azadî” bû. Zarok di xêzên xwe de “Jin Jiyan Azadî” ,“Kurdistan” û xêzên cûr bi cûr çêkirin. Piştî zarokan xêzên xwe xlaskirin li qadê hate daliqandin. Lê polîsan astengî derxistin û wêneyên zarokan xêz kiribu kom kirin.
‘Bi zarokan re bi zimanê Kurdî stran gotin’
Kordînatorê Ma Music Centirê Şêrko Kanîwar diyar kir ku ev êrîş provokekirina pêvajoya Aştî û Civaka Demokratîk e û wiha got: “Em wek koma GerokMa li ser navê Ma Musicê îro bi çarçoveya çand û hunerê em amade bûn. Çawa ku em li çar aliyê cîhanê digerin û em xwe digihînin zarokan bi felsefeya ku muzik li her derê û ji bo her kesî bi zimanê Kurdî, bi zimanê zikmakî îro jî em GerokMa li Erxeniyê gel zarokan bûn. Bi zarokan re bi zimanê kurdî û bi lîstikan me stran gotin.”
‘Polîsan ne xwestin wêneyên zarokan were daliqandin’
Şêrko Kanîwar bertek nîşanî astenkirina daliqandina wêneyên zarokan dan û wiha dawî li axaftina xwe anî: “Di heman demê de di atolyeyên me de, kargehên me yê GerokMa yê de li gor dilê xwe li ser potikekî spî wêneyan xêz dikin. Îro jî atolye ya me bi heman rûtîna xwe me berdewam dikir lê piştî ku wêne qediyan me ferq kir ku ewlehiya Erxeniyê wêneyên ku zarokan xêz kirine û mijara meya wêneyan “Azadî” bû. Em nizanin zaroka çi jî xêz kir. Lê polîsan ne xwestin wêneyên zarokan were daliqandin. Di pêvajoya Aştî û Civaka Demokratîk de, bêtehemuliya li hember zarokan e. Di van rojên ku li aliyê siyasî û asta herî jorî de ku aştî li Tirkiyeyê tê nîqaşkirin lê navçeyeke Amedê bêtehemuliya ewlehiyê û ya polîsan em qebul nakin û şermezar dikin. Em dibêjin ev xizmet provokekirina pêvajoya Aştî û Civaka Demokratîk e. Bila tu kes xêzên zarokan netirse. Em wan polîtîkayên ewlehiyê şermezar dikin.”
Koma GerokMa daxuyad ku piştî ku bernameya wan qediya polîsan nasnameyên wan girtin û di GBTê de derbas kirin.
