Di demek hevdîtinên avakirina hikûmetê di navbera PDK û YNKê de rêve diçe de bi boneya asayîşa PDKê destûr neda endamê Polîtbûroyê yê YNKê Luqman Wardî bikeve Hewlêrê rageşî bilind bû.
Hevdîtinên li ser avakirina hikûmetê di navbera PDK û YNKê de dibin sedema bilindbûna rageşiyê. Wekî encamek vê rageşiyê asayîşa girêdayî PDKê destûr neda endamê Polîtbûroyê yê YNKê Luqman Wardî bikeve Hewlêrê. Hate zanîn ku dema Wardî xwest ji Silêmaniyê vegere Hewlêrê li daketina bajar li noqteya asayîşê hate rawestandin. Li ser vê yekê hate zanîn ku çend rayedarên KDPê jî dema xwestine bikevin herêma YNKê bi heman awayî hatine rawestandin û ketina wan a herêmê hatiye astengkirin. Çavkaniyan bûyerê di nêz de dişopînin anî ziman ku komek pêşmergeyên YNKê jî dema xwestine biçin Soranê ji hêla PDKê ve hatin astengkirin.
Çavkaniyan destnîşan kir ku sibê PDK û YNKê bi armanca hevdîtinên avakirina hikûmetê cardin bên gel hev û rageşiya îro bilind bûyê bandorek neyînî li ser her du aliyan jî dike. Heman çavkaniyan derbarê îhtîmala avakirina hikûmetê jî got in ku ligel hebûna hevdîtinan erêniye jî ev saleke di ser hilbijartinan de derbas bûye lê hêj pêşketinek şênber çênebûye. Çavkaniyan daxuyand ku hêviya avakirina hikûmetê gelek kêm e û ev yek jî bandorek neyînî li tevahiya Herêma Kurdistanê dike.
