Navenda Nûçeyan – Rektoriya Zanîngeha Bîlkentê gotûbêja ku endama Meclisa HDK’ê Sebahat Tuncel beşdar bibûya, bi hinceta “Cezayê wê yê teqezbûyî heye” betal kir.
Koma Felsefeya Siyasetê ya Zanîngeha Bîlkentê xwest di 3yê kanûnê de gotûbêja “Li Tirkiyeyê Mafên Jinan” pêk bîne. Koma Felsefeya Siyasetê, xwest endama Meclisa Kongreya Demokratîk a Gelan (HDK) Sebahat Tuncel jî weke axêver beşdar bibe. Rektorê zanîngehê Kurşat Aydogan bi hinceta ku cezayê Sebahat Tuncel ê teqezbûyî heye, gotûbêj betal kir. Koma ku dê gotûbêj li dar bixista têkildarî mijarê daxuyanî da û biryara rektoriyê parve kir. Komê, destnîşan kir ku gotûbêj bi keyfî hatiye astengkirin û weke biryareke dij-demokratîk nirxand. Komê diyar kir ku biryara rektoriyê nîşaneya tirsê ye, ew ê li dijî vê têkoşîna xwe bidomînin û gotûbêja xwe mîna plankirin dê di 1ê kanûnê de li dar bixin û banga tevlibûnê kirin.
