* Endamên JÎTEM û Hîzbî-Kontrayê 31 sal berê li gundê Kulîncê yê Rihayê rojnameger Kemal Kiliç bi texsiya torosê revandin û kuştin. 31 sal derbas bûn, lê hêj kujer nehatine darizandin.
* Dayikên Aştiyê yên Şirnexê anîn ziman ku ji ber polîtikayên pişaftinê axaftina bi Kurdî di nava civakê de kêm dibe û wiha bang li malbatan kirin: “Divê dayik zarokên xwe bi Kurdî mezin bikin. Yên ku xwedî li zimanê xwe dernekeve dijminê ziman in. Heke zimanê me winda bibe hebûna me jî nîn e.”
* Endama Lijneya Rêveber a HDKê Esengul Demîr, têkildarî xebatên kampanya 1 milyon îmze diyar kir ku eleqeya ji bo îmzeyan pir zêde ye û got: “Li kolanê hemû kesên em bi wan re diyalogê pêş dixin eleqeyek mezin nîşan didin û dixwazin şer bi dawî bibe û pirsgirêka kurd bi rêya diyalogê çareser bibe.”
* Serokê Odeya Bijîşkan a Amedê Veysî Ulgen têkildarî êrişên ku li ser bijîşkan zêde dibe diyar kir ku bijîşk di şertê giran de dixebitin û got: “Dê ji bo tenduristiya gel çalakiyên me bidomin.”
* Serokê Komeleya Şêx Seîd Kasim Firat têkildarî qedexekirina bernameya bîranîna Şêx Seîd û hevalên wî axivî û destnîşan kir ku sed sal in nêzîkatî û helwesta dewletê li ser Kurdan neguherî ye û got: “Divê dewlet baş bizanibe ku Şêx Seîdê kal neheqî qebûl nekir û yên niha têdikoşîn jî wê neheqiyê qebûl nekin.”
* 2 jê rojnameger 22 kesên ku li Wanê hatibûn binçavkirin, tê payîn ku wan sewqî dadgehê bikin.
* Çalakî û daxuyaniyên li dijî tayînkirina qeyûm a Şaredariya Bajarê Mezin a Wanê dê îro jî bidomin.
* Pîran de panelê Kirmançkî ame viraştiş. Qiseykerkdox Suleyman Yilmazî dîyar kerd ke “ziwan nasnameyo, ganî heme kes ziwanê xo qisey biker o.” Hecî Ozkalî zi vat: “Nê warî de ma şûcdar û günahkârî me. Ma gedeyanê xo de qalî nêkenê sûcê gedeyanê ma çînî yo.” (Kirmanckî)
