* Endamê Konseya Hevserokatiya PYDê Salih Muslim derbarê gefên Tirkiye û hevdîtinên di navbera Rêveberiya Xweser û Hikûmeta Demkî ya Şamê de anî ziman ku hikûmeta Şamê şertên HSDê qebûl kirine û bandora Tirkiyeyê li ser herêmê jî kêm dibe û got: “Amerîka û hêzên navneteweyî xweseriya demokratîk qebûl dike.”
* Hevserokê Meclîsa Taxên Şêxmeqsûd û Eşrefiyê Nûrî Şêxo da zanîn ku bi hatina HTŞê re revandin, kuştin zêde bû û qeyran kûrtir bû û got: “Hikûmeta demkî ya Şamê erka ji bo peymanên 10ê Adarê û 1ê Nîsanê pêk neanî. Taxên Şêxmeqsûd û Eşrefiyê di dorpêçê de ne.”
* Nivîskar û helbestkar Rênas Jiyan li ser girîngiya wêjeyê û rewşa wêjeya Kurdî axivî û got: “Eger zimanê siyasetê bêtir bi Kurdî bûya xwendina Kurdî jî dê bêtir belav bibûya, an jî mesela siyasetmedaran kêmasiya nexwendina pirtûkeke Kurdî bidîta dê xwendina Kurdî bêtir belav bibûya.”
* Akademîsyen Şoreş Abî destnîşan kir ku ji ber gelek astengiyên li Kurdistanê, yekîtiyeke Kurdologan ava nebû û got: “Yekîtiya Kurdologên Rûsyayê dê vê erkê li derve pêk bîne û dê di navbera Kurdistan û Rûsyayê de bibe pireke zanistî.”
* Hunermend Mîr Perwer, Evîn Goyî û Abdurrahman Kizil di salvegera 3emîn a kuştina xwe de tên bibîranîn. Hevalê Mîr Perwer, Ferhat Demîrellî di salvegera kuştina hevalê xwe de got: “Heval Mîr Perwer êşên welatê xwe bi stranên xwe digot.”
* Li navçeya Pasûrê ya Amedê, welatiyên gundên Cixsê, Xuruç, Tiyaks û Buduka li dijî projeya santrala enerjiya tavê ya ku tê plankirin, nerazîbûna xwe nîşan didin.
* Komîsyona Jinan ya OHDa Amedê dê têkildarî êrişên li ser siyasetmedara Kurd Leyla Zana li pêşiya Edliyeya Amedê daxuyanî bide. (12.00)
* Heyeta DEM Partiyê ya Îmraliyê dê li Navenda Giştî ya CHPê bi Serokê Giştî yê CHPê Ozgur Ozel re hevdîtin bike. Heyet paşê jî dê serdana EMEPê bike. (12.00-16.00)
