* Rojnameger Delîl Zîlan anî ziman ku Rêberê Gelê Kurd Abdullah Ocalan di pêkhatina peymana di navbera HSDê û hikûmeta demkî ya Şamê de bi roleke mezin rabûye û got: “Birêz Ocalan ji bo şerekî di navbera gelan de hem Rêveberiya Xweser, hem dewleta Tirk û hem jî heyeta ku giredayî dewletên hevdîtin pêkanînê hişyar kir.”
* Welatiyên Wanê derbarê peymana di navbera Rêveberiya Xweser-HSD û Hikûmeta Demkî ya Şamê de hatiye îmzekirin axivîn û anîn ziman ku heta ev peyman di destûrê de neyê bicîhkirin ew dê dest ji têkoşîna xwe bernedin û li ser pêyan bin.
* Rêveberê ÎHDa Êlihê Alî Karadogan diyar ku li gel peymana di navbera HSDê û hikûmeta demkî ya Sûriyeyê de hatiye îmzekirin jî Tirkiye dijminatiya xwe ya li dijî gelê Kurd didomîne û got: “Em dizanin ku bandora rêveberiya Tirkiyeyê li ser hikûmeta demkî ya Şamê heye.”
* Endamên Desteya Şêwreya Bilind a Amedsporê Abdulkadîr Guleç û Sorgul Aytek derbarê cezayên dawî yên li Amedsporê hatine birîn axivîn û gotin: “Amedspor ne tenê tîmeke sporê ye, nûnertiya nasnameyeke civakî dike. Biryarên federasyonê bê hiqûqiyê ye.”
* Serokê DÎSK Basin-Îşê ya berê Faruk Eren diyar kir ku desthilat nexwest tiştên li Rojava diqewimin were zanîn û got: “Desthilatê dixwaze emrê xwe li ser zimanê dijbertiyê dirêj bike, lê dê rojnamegerî û heqîqet bi ser bikeve.”
* Hevberdevkê Înîsiyatifa Yekîtiya Demokratîk Mehmet Kamaç tekîldarî yekîtiya Kurdan diyar kir ku yekîtî wek av û nan pêwîst e û wiha got: “Dibe bawerî, îdeolojî û partiyên me cuda bin. Lê belê êriş li ser hebûna Kurdan in, divê em bibin yek.”
* Endamê Lijneya Rêveber ê Komeleya 78an Arîf Tûrgay bal kişand ser peymana di navbera HSDê û hikûmeta demkî ya Sûriyeyê de û got: “Heta ku statuya gelê me yê li Rojava mîsoger nebe, divê her çar aliyê Kurdistanê şiyar be, baldar be û divê çavên me li ser Rojava be.”
* Şaxa Komeleya Hiquqnasên ji bo Azadiye ya Amedê dê derbarê çalakiyên ji bo Rojava hatine lidarxistin rapora çavdêrî û tespîtên xwe ya meha Çileyê li avahiyê komeleyê daxuyaniya çapemeniyê li dar bixe. (12:00)
* Dayikên Aştiyê ji bo piştgiriya berxwedana Rojavayê Kurdistanê dê li gelek bajaran daxuyanî bidin çapemeniyê. (13:00)
Kirmanckî
*Aşma gucige aşma Xizirîya no semed ra Zeynel Batar serê maneyê Xizirî ma rê qisey kerd û va: “Xizir roja tenge de reseno. Linga Xizirî ke kewte kamcî çê, o çê de her çî beno zaf. Neweşîye nêbena. Kam ke raye de mend, Xizir rese no ci”
