* Sema Yuce di 21ê Adara 1998an de bi gotina “ez dixwazim mêjiyê xwe, dilê xwe, bedena xwe di navbera 8ê Adarê û 21ê Adarê de bikim pirek” bedena xwe da ber agir û bû sembolek ji çelengên Newrozê. Rêberê Gelê Kurd Abdullah Ocalan jî ji bo Sema Yuce wiha dibêje: “Her şer, bi taybetî jî ji bo rawestandina şerê qirkirinê, kesayeteke mîna Sema ya têkoşer hewce dike.”
* Elefterîa Fortûlakî ku ji bo pîrozkirina Newrozê û şermezarkirina tecrîda li ser Rêberê Gelê Kurd Abdullah Ocalan di Newroza 2006an de bedena xwe da ber agir, armanca çalakiya xwe wekî, “azadiya gelê Kurd” vegotibû. Hevjînê Eletferîa Fortûlakî, Şivan Ocal diyar kir ku li ser çalakiya Elefterîa gelek kes tev li têkoşînê bûn û bi vî awayî çalakiya wê gihişt armanca xwe. Ocal bang li her kesî kir ku îsal zêdetir tev li Newrozê bibin.
* Rahşan Demîrel, li wê lûtkeya herî bilind a bajêr bedena xwe kir meşale da ku tariya qedexeyan veguherîne azadiyê; lê îro hê jî, ne tehemûl ji dareke ku ji bo bîranîna wê tê çandin re heye, ne jî ji gulekê re. Li Kadîfekaleyê, li wî cihê ku bîranîna Rahşanê bi bayê deryayê re xwe dighîne deştên welatê wê, Dayika Aştiyê Behiye Yalçin li dijî vê bêtehemuliyê careke din sond xwar û diyar kir ku ew agirê ku Rahşanê pêxistiye, mizgîniya biharê bû û wê wisa jî bimîne.
* Li quntarên çiyayên Zagrosê û di geliyên Rojhilatê Kurdistanê de, hatina Newrozê bi xwe re şiyarbûneke kûr a ruhê Kurdewariyê tîne. Ev çanda qedîm ku koka xwe ji sedan salan digire, îro jî di nava gundên Rojhilat de bi hemû reseniya xwe didome.
* Cîgirê Hevserokên Giştî yê DEM Partiyê û endamê Komîteya Navendî ya Newrozê Mahfuz Guleryuz diyar kir ku ew li bendê ne di Newrozê de peyama nû ya Rêberê Gelê Kurd Abdullah Ocalan bê xwendin û got: “Em dixwazin peyam bi dîmen be. Heke dewlet bixwaze gaveke erênî biavêje divê peyam bi dîmen be.”
* Li Dêrsim, Erzirom, navçeya Erdîş a Wanê, li navçeya Qoser a Mêrdînê, navçeya Weranşar a Rihayê dê pîrozbahiyên Newrozê bên lidarxistin. (11:00)
* Malbata Dîlan Karaman têkildarî pêvajoya mirina keça xwe dê li avahiya Şaxa ÎHDa Stenbolê daxuyanî bide. (12:00)
* Li navçeyên Çinar, Bismil, Farqîn, Erxenî, Pasûr, Pîran, Gêl, Çêrmûg, Yenîşehîr, Peyas, Rezan û Sûrê yên Amedê dê pîrozbahiyên Newrozê bên lidarxistin. (13:00-20:00)
* Rêxistina DEM Partiyê ya Stenbolê li gelek navçeyên Stenbolê dê pîrozbahiyên Newrozê li dar bixe. (20:00)
