Rojnameyên Erebî di rojevên xwe yên îro de ser rojevên kongreya DYAyê ya li ser Sûriyeyê, bandorên serdana Benjamîn Netanyahu ya bi DYAyê re û çûna Elî Larîcanî ya Omanê sekinîn. Rojnameyan diyar kirin ku Kongreya Dewletên Yekbûyî yên Amerîkayê (DYA) rewşa Sûriyeyê çavdêrî dikin.
Rojnameyên Erebî yên îro hatine weşandin bal kişandin ser civîna Kongreya Amerîkayê ku di 10ê Sibatê de ji bo nîqaşkirina pêşketinên li Sûriyeyê hatibû lidarxistin. Herwiha bandora serdana Serokwezîrê Îsraîlê Benjamin Netanyahu ya Washingtonê û çûna Elî Larîcanî ya Ummanê jî rojevên sereke bûn.
Kongre: Tevlîbûna Amerîkayê pêwîst e
Rojnameya El Nahar civîna Komîteya Karûbarên Derve ya Kongreya Dewletên Yekbûyî yên Amerîkayê (DYA) ve hat lidarxistin, wekî hewldana nêzîkbûna Washingtonê ya bi Şamê re hate nirxandin. Rojnameyê cih da axaftina Serokê Komîteyê Brian Mast ku gotibû, ‘Her sivikkirina cezayan an berfirehkirina piştgiriyê divê bi tevgerên zelal ên Şamê ve taybetî jî derbarê parastina kêmneteweyan ve girêdayî be destgirtin.’
Ne siyaset berpirsyarî zêde dibe
Rojname bi bîr dixe ku di dema rûniştinê de, Nûner Scott Perry dîmenek nîşan dide, ev dîmen binpêkirinên li dijî sivîlan belge dike û li aliyê exlaqî û qanûnî rasterast dide nîqaşkirin. Li gorî rojnameyê, ev rûniştin di siyaseta DYAyê de guhertinek yekser çênake, lê asta berpirsiyariyê raber dike.
’Netanyahu dixwaze hevditinê sabote bike’
Rojnameya El Xelîc bal kişand ser bandora serdanên Netanyahu ya Washingtonê û serdana Elî Larîcanî ya Omanê. Rojnameyê da zanîn ku cîhan bi baldarî li ser serdana Netanyahu ya Washingtonê û tiştên ku Larîcanî ji bo dan û standinên Amerîka-Îranê bîne Muscatê dike.
Rojnameyê diyar kir ku Netanyahu hewl dide ku her rêkeftinekê asteng bike, daxwaza wî hilweşandina bernameya nukleerî ya Îranê, rawestandina dewlemendkirina uranyûmê, sînordarkirinên bernameya mûşekî û hilweşandina bandora herêmî ya Tehranê ye.
Li gorî rojnameyê, serdana Larîcanî cidiyeta Tehranê ya ji bo jinûve destpêkirina dan û standinan nîşan dide.
Serdena Netanyahu ya Washingtonê tê çi wateyê?
Rojnameya El Ereb ser bandora serdana bilez a Netanyahu ya Washingtonê sekinî û diyar kir ku ew bi mijarên lezgîn ên têkildarî bernameya nukleerî ya Îranê û mûşekên balîstîk ve girêdayî ye. Rojnameyê destnîşan kir ku serokwezîrê Îsraîlê hewl dide ku Serokê Amerîkayê Donald Trump qayîl bike ku zextê li ser Tehranê zêde bike da ku rê li pêşiya muaxeleyeke cidî ya êrişê veke.
