Şahiya 18emîn a Xidirelyaz a Haymanayê li gundê Belçikhîsar a navçeya Haymanayê li dar xistin. Şahiya îsal ji bo bîranîna endamê Şandeya DEM Partî yê Îmraliyê Sirri Sureyya Onder li dar xistin.
Welatiyên Anatoliya Navîn ên herêma Konya û Enqereyê şahiya 18emîn a Xidirelyaz a Haymana li gundê Belçîkhîsar a navçeya Haymanayê li dar xistin. Şahiya îsal ji bo endamê şandeyê Partiya Wekhevî û Demokrasiyê ya Gelan (DEM Partî) Sirri Sureyya Onder ku di 3ê Gulanê de jiyana xwe ji dest da li darxistin. Li qada şahiyê wênyê Sirri Sureyya Onder daliqandin. Welatî ji bajarên Konya, Kirşehîr, Enqereyê û navçeyên derdorê hatin tevlî şahiyê bûn. Welatiyên bi zarokên xwe tevlî Şahiyê bûn lîstikên galerî lîstin, xwarin çêkirin. Endamên saziyên sivîl û partiyên siyasî jî tevlî şahiyê bûn.
Şahî ji bo damezrîner û pêşengên PKKê Alî Haydar Kaytan û Riza Altûn û Sirri Sureyya Onder bi deqîqeyeke rêzgirtinê dest pêkir. Welatiyan di şahiyê de bênavber dirûşmeyên, “Bijî Serok Apo”, “Şehîd namirin” berzkirin.
Di şahiyê de endamê şaxa ÎHDê ya Enqereyê Huseyîn Gokoglû, hevserokê DEM Partî yê Enqerê yê bere Loqman Ergul axivîn û bal kişandin ser şahiya ji bo bîranîna Sirri Sureyya Onder û şehadeta pêşengên PKKê Alî Haydar Kaytan û Riza Altûn. Huseyîn Gokoglu, da zanîn ku dê ji bo xeyalên wan ên aştî û civaka demokratik pêk bê têbikoşin. Hevserokê DEM Partî yê Enqereyê Fatin Kanat ku bi Sirri Sureyya Onder vê di heman girtîgehê de mabû jî axivî û got ku bîranîna Sirri Sureyya Onder wê di têkoşîna wan de bijî. Peyama Hevserokê Giştî yê DEM Partî Tuncer Bakirhan ku ji şahiyê re şandibû jî hat xwendin.
Piştre jî stranbêjan bi dorê li ser dikê stran gotin û welatiyan jî li ber stranan govend gerandin. Şahî bi gerandina govendê bi dawî bû.
