Dayîkên Aştiyê di çarçoveya 8ê Adarê de magnetên ku li ser “Jin Jiyan Azadî” dinvîsandin amade kirin. Dayîkan bang li jinan kirin ku tev li mitînga 8ê Adarê bibin û gotin: “Divê wê rojê em li hemû qadan dengê xwe bikin yek.”
Dayîkên Aştiyê di çarçoveya çalakiyên 8ê Adarê Roja Jinan a Cîhanê de li avahiya xwe ya li navçeya Rezanê ya Amedê magnetên ku li ser “Jin Jiyan Azadî” dinivîsandin bi gotina stranan û coşeke mezin amade kirin. Dema dayîkan magnetên xwe amade kirin bal kişandin ser pêvajoya “Aştî û Civaka Demokratîk û azadiya fizîkî ya Rêberê Gelê Kurd Abdullah Ocalan û dan zanîn ku aştî dê bi hêz û yekitiya jinan bi serkeve. Dayîkan destnîşan kirin ku divê jin derkevin qadan û bi yek dengî banga aştiyê bikin.
Dayikan bi minasebeta 8ê Adarê re silavên xwe li hemû jinên Kurd û jinên berxwedêr kirin û anîn ziman ku ew roja jinên di qad û çeperan de, jinên li Rojava, li Rojhilat û li Başûr pîroz dikin û bi kelecaniyeke mezin vê rojê pêşwazî dikin. Dayîkan bang li jinan kirin ku tev li mitînga 8ê Adarê ya li Qada Îstasyonê ya navçeya Yenîşehîr a Amedê bibin.
