Endamê Şandeya Îmraliyê ya DEM Partiyê Sirri Sureyya Onder piştî hevdîtina bi Erdogan re axivî û got: “Hevdîtineke gelek erênî bû. Hêviya me niha mezintir e.”
Endamên Şandeya Îmraliyê ya Partiya Wekhevî û Demokrasiyê ya Gelan (DEM Partî) Pervîn Buldan û Sirri Sureyya Onder piştî banga dîrokî ya Rêberê Gelê Kurd Abdullah Ocalan, li Kulliyeya Serokkomariyê bi Serokê Giştî yê AKPê û Serokkomar Tayyîp Erdogan re hevdîtin pêk anîn.
Hevdîtin ango civîn nêzî saetek û 25 deqîqeyan berdewam kir. Endamê Şandeya Îmraliyê Sirri Sureyya Onder piştî hevdîtinê daxuyaniyeke kin da. Onder wiha got: “Hevdîtineke pir erênî bû. Hêviya me niha mezintir e. Di vê mijarê de cihê birêz Serokkomar lê disekine gelek girîng e. Em dixwazin aştiyê pêk bînin.”
Pervîn Buldan jî got: “Hevdîtineke gelek baş bû. Pêvajo baş li pêş dikeve.”
