Şandeya Îmraliyê têkildarî hevdîtina li gel Serokkomar Erdogan wiha got: “Hevdîtina bi birêz Serokkomar Erdogan re pêk hat, di atmosfereke pirr erênî, çêker, berhemdar û ji bo pêşerojê hêvîdar derbas bû.”
DEM Partiyê têkildarî hevdîtina di navbera Şandeya Îmraliyê û Serokkomar Tayyîp Erdogan de pêk hat, daxuyaniyek nivîskî belav kir.
Şandeya Îmraliyê ya DEM Partiyê ku ji Pervîn Buldan û Sirri Sureyya Onder pêk tê, derbarê hevdîtina îro ya bi Serokkomar Recep Tayyîp Erdogan re hat kirin de ev agahî dan:
“Hevdîtina ku me bi birêz Serokkomar Recep Tayyîp Erdogan û heyeta wî re pêk anî, di atmosfereke pirr erênî, çêker, berhemdar û ji bo pêşerojê hêvîdar derbas bû.
Girîngiya pêvajoya ku em gihîştinê û asta wê hate piştrastkirin û qonaxên di pêş de bi hev re hatin nirxandin. Hat diyarkirin ku serdemeke ku têde tundî û pevçûn nemîne û qada demokratîk û siyasî were xurtkirin ji bo welat, welatiyên me û herêma me xwedî girîngiyeke jiyanî ye.
Şandeya me û partiya me wê di dema pêş de jî xebatên xwe yên ji bo pêkanîna Banga Aştî û Civaka Demokratîk bi îrade û baldariyeke xurtir bidomînin. Em ji welatê xere eşkere dikin ku, em bi şanaz in ku em ji duh bêtir bi hêvî ne.
Em spasiyên xwe pêşkêşî hemû aliyên siyasî û pêkhateyên civakî dikin ku bi pêşniyar, hişyarî û rexneyên xwe hêza xwe li pêvajoyê zêde kirin e.”
