Li navçeya Qilebanê ji ber ku şaredarî berfa li cadeyan û kuçeyan ranake wesayît nikarin bi rehetî tevbigerin û welatiyên nexweş li ser destan dibin nexweşxaneyê.
Li navçeya Qilebanê ya Şirnexê berfek zêde bariyaye û rêyên li navenda navçeyê û li gelek gundan hatibûn girtin. Li navenda Qilebanê rêyên ku ji ber berfê hatine girtin li gel ku 8 roj derbas bûne jî heya niha bi temamî ji berfê nehatine paqijkirin.
Ji ber ku şaredariya AKPyî karê xwe nake welatî ji ber vê yekê mexdûr dibin. Welatiyekî ku îro nexweş ketibû ji ber ku ambûlansê nekarî li ser berf û cemedê were ber mala nexweş, welatiyan li ser destan birin nexweşxaneyê.
Welatiyên ku ev rewş dîtin dîmen û wêne girtin û bertek nîşanî şaredariya AKPê dan.
