Şaxa KESKê ya Şirnex bi daxuyaniyekê bertek nîşanî Peymana Kar a Giştî (TÎS) da.
Şaxa KESKê ya Şirnexê têkildarî pêşniyara hikumeta AKPê ya ji bo mûçeya karmendan a 2026 û 2027an daxuyanî da. Gelek endamên KESKê, endamên rêxistina DEM Partiyê ya Şirnexê û endamên DÎSKê tevlî daxuyaniyê bûn. Serokê Şaxa Egîtîm-Senê ya Şirnexê Adnan Şenbayram beriya daxuyaniyê axivî. Şenbayram diyar kir ku ew nayên lîstikên hikumeta AKPê û bang li her kesî kir ku ji bo piştgiriyê tevlî têkoşîna wan bibin.
Daxuyanî ji aliye Berdevkê Platforma KESKê yê Şirnexê Abdulsamet Kaya ve hat xwendin. Kaya bal kişand ser polîtîkayên AKPê û wiha axivî; “Ev bi salan e desthilatdariya AKPê bi şêwazek ne têr bike ne birçî bihêle nêzî me karmendan dibe. Îsal jî dixwazin heman tiştê bikin û em vê yeke qebûl nakin.”
Daxuyanî bi çepikan û dirûşma, ‘Em dixwazin weke mirovan bijîn’ bi dawî bû.
