Sefîra Fransayê ya Enqereyê Isabelle Dumont serdana Şaredariya Bajarê Mezin a Amedê kir.
Sefîra Fransayê ya Enqereyê Isabelle Dumont û Musteşarê Karên Siyasî yê Balyozxaneyê Kilian Vivien ku ji bo çend hevdîtinan hatibûn Amedê, serdana Şaredariya Bajarê Mezin a Amedê kirin.
Piştî pêşwaziyê, Hevseroka Şaredariya Bajarê Mezin Serra Bucak û Dumont hevdîtinek pêk anîn. Di serdanê de li ser geşedanên rojane yên herêmê axaftin hatin kirin û li nêrîna hev guhdarî kirin.
Hevşaredar Serra Bucak, kêfxweşiya xwe ji ber serdanê anî ziman û spasiya Dumont kir.
Di dema serdanê de, ligel Hevşaredar Serra Bucak, Hevberdevkên Meclîsa Şaredariya Bajarê Mezin (DBB) Demet Ceylan û Ayhan Karatekîn jî amade bûn.
