Welatiyên Şengalê yên ji ber êrîşên DAÎŞê koç kiribûn û li kampên Duhokê bi cih bûbûn vedigerin Şengalê. 104 malat ên li Kampa Çem Mişko ya Dihokê diman vegeriyan warê xwe.
Vegera Xelkê Şengalê yên ji ber êrîşên DAÎŞê koçber bûbûn, didome. Dema ku çeteyên DAÎŞê di 3yê Tebaxa 2014an de êrîşî Şengal û gundên derdora wê kiribû û komkujî pêk anîbû, bi deh hezaran kes jî, neçar mabûn ku warên xwe terk bikin. Bi ser komkujiyê re 11 sal derbas bûn. Şengaliyên li kampên başûrê Kurdistanê dimînîn vedigerin li ser warê xwe. 104 malat ên li Kampa Çem Mişko ya Dihokê diman vegeriyan warê xwe. Piranî malbat ji Digurê ya bakurê Çiyayê Şengalê ne. Tê payîn ku hejmara koçberên Şengalê yên li kampan dimînin û vegerin li ser warê xwe bigihêje 500 malbatan.
Şengaliyên ku dixwazin vegerin warê xwe û ji bo vegerê navê xwe qeyt dikin, rastî astengiyên hêzên PDKê tên.
