Serokkomarê Îranê Mesûd Pizîşkiyan ragihand ku ew dev ji bikaranîna enerjiya atomî bernadin û ew ji bo pêkanîna vê jî, ji kesê natirsin.
Serokkomarê Îranê Mesud Pizîşkiyan di parlamentoyê de peyamek da û bal kişand ser hewldanên jibo dewlemendkirina uranyumê.
Mesud Pizîşkiyan got: “Mafê me heye ku em ji enerjiya atomî û lêkolînên zanistî sûdê wergirin, ji ber vê yekê mafê ti kesî nîne ku vî mafî ji me bistîne. Em ji bo pêkanîna vî mafî rijdin û di oxira bikaranîna enerjiya atomî de tirsa me ji ti hêzî nîne.”
Serokkomarê Îranê Pizîşkiyan da zanîn ku ew ne alîgirên şer bûn û ne jî wan şer daye destpêkirin û bang li welatên misilman kir u di jî zordariya Îsarîlê rabin, ji ber ku Îsraîl dixwaze welatên îslamê yek bi yek bike hedef.
Hêjayî gotinê ye di 13 mehê de Îsraîlê dijî Îranê êrişek berfireh da desptêkirin, ji wê rojê ve şerê di navbera her du aliyan de dewam dike.
