Şaxa SESê ya Amedê têkildarî pirsgirêkên li Nexweşxaneya Zarokan a Amedê tên jiyîn, li avahiya sendîkaya xwe daxuyaniya çapemeniyê li darxist û wiha got: “Daxwazên xebatkaran neyên çareserkirin. Em ê çalakiyên xwe heya pirsgirêk çareser dibin bidomînin.”
Şaxa Sendîkaya Kedkarên Tenduristî û Xizmetên Civakî (SES) ya Amedê têkildarî pirsgirêkên li Nexweşxaneya Zarokan a Amedê diqewimin li avahiya xwe ya girêdayî navçeya Bajarê Nû ya Amedê daxuyanî ya çapemeniyê li darxist. Di daxuyaniyê de pankarta “Rêveberên Bêliyakat, Zirarê Didin Kedkarên Tenduristiyê û Tendurustiya Gel” vekirin. Endam û rêveberên SESê tev li daxuyaniyê bûn. Di daxuyaniyê de Hevserokê Şaxa SESê ya Amedê Mehmet Nur Ulus bi Kurmancî axaftina axaftina vekirinê kir. Daxuyaniya bi Tirkî Endamê SESê û nûnerê kedkaran ê nexweşxaneya zarokan Serdar Buyukdenîz xwend.
‘Pirsgirêk berçav neyên girtin’
Mehmet Nur Ulus anî ziman ku ew îro li vir in da ku li ser hin pirsgirêkan bisekinin û wiha axivî: “Ev pirsgirêkên xwegihandina nexweşxaneyê yan jî xwegihandina dermankirinê kirinê derdixe berçav. Daxwaza me çareserkirina van pirsgirêkan e. Me daxwazên xwe bi rêveberiya nexweşxaneyê re parve kirin. Lê me lêkolîn kir ku ev pirsgirêkên me anîne ziman berçav nayên girtin û ji bo çareseriyê jî gav nayên avêtin. Ew pirsgirêk tenê pirsgirêkên me nîn in. Kesên ku ji bo dermankirinê têne nexweşxanê jî bi gelek pirsgirêkan re rubiru dimînin.”
‘Kesên ‘nêzîkî rêveberiyê’ tên wezîfedarkirin’
Serdar Buyukdenîz di daxuyaniyê de destnîşan kir ku di beşa Lênihêrîna Taybet a Zarokan ‘Pediatri’ de ev 2 sal in kêmasiya personelan nayê çareserkirin û ev tişt gotin: “Ev rewş dibe sedema ‘mobbingê’ û bareke giran li ser xebatkaran. Hat ragihandin ku li ser bijîşkên pispor zextên pergala MHRSê hene û ev yek asta dermankirinê dadixe jêr. Ji ber ku analîzên girîng dişînin Enqereyê, encam dereng derdikevin. Sendika li Amedê daxwaza avakirina laboratuwareke navendî dike. Hat îdiakirin ku li nexweşxaneyê li şûna kesên xwedî ezmûn û perwerde, kesên ‘nêzîkî rêveberiyê’ tên wezîfedarkirin. Bijîşkên nexweşxaneya ku ji 3 mîlyon zarokên herêmê re xizmetê dike, li gorî
‘Çareserî nebe dê çalakî bidomin’
Serdar Buyukdenîz di dawiya axaftina xwe de destnîşan kir ku rêveberiya nexweşxaneyê li şûna çareserkirina pirsgirêkan, pirsgirêkên nû diafirîne û got: “Sendikayê hişyarî da ku heke daxwazên wan neyên qebûlkirin, ew ê li ber avahiya nexweşxaneyê û Midûriyeta Tenduristiyê çalakiyên xwe bi mezinkirinê bidomînin.”
