Malbatan û MEBYA-DERê di salvegera 10emîn de Mesût Sevîktek û Îsa Oran li ser gora wan, ew bi bîr anîn.
Malbata Endamê Yekîniyên Parastina Sivîlan (YPS) Mesût Sevîktek (Delîl Amed) ku di bûyerên Sûrê de 23yê Kanûna 2015an jiyana xwe ji dest dabû li ser gora xwe ya Goristana Yenîkoya Amedê bi bîr anî. Bîranîn bi beşdariya endam û rêveberên MEBYA-DERê pêk hat. Her wiha li gel Mesût Sevîktek, hevalê wî Îsa Oran (Êriş Mordem) jî pê re jiyana xwe ji dest dabû û ew jî hate bibîranîn. Di bîranînê de gelek kes li ser goristanê amede bûn.
Hevseroka MEBYA-DERê Gurbet Sevîktek li ser goristana apê xwe Delîl Amed axivî û ew bi bîr anî û got: “Her du hevalên me li navçeya Sûrê şehîd katin û 10 sal di ser şehîdbûna wan re derbas bûn. Dema ku me cenazeyên wan dît her du jî li erdê bûn. Ew şer şerê derûniyê bû. Di şexsê her du şehîdan de em hemû şehîdan bi rêzdarî bi bîr tînin. Van şehîdan ji bo azadiya Rêber Apo û rizgariya gel bi salan e canê xwe didin. Weke malbat çi ji dest me bê em ê bikin.”
‘Xeyalê wan ew bû ku Rêber Apo muxatab bê girtin’
Birayê Sevîktek, Îhsan Sevîktek li ser goristanê bi xêr hatina mêvanan kir û got: “Heta ku xeyalên şehîdan bi cih neyê dê sekin ji me re tune be. Xeyalê wan ew bû ku Rêber Apo muxatab bê girtin. Lê Rêber Apo îro muxatab tê girtin, lê mixabin ew tune ne. Êdî tu maneyek nemaye ku Rêber Apo di zindanê de bimîne. Heta ku xeyalên şehîdan û serokatî bi cih neyê, em ê li ser pêya bin.”
Biranîn bi xwendina duyana û fatîhayan bi dawî bû.
