Li dijî êrîşen Dewleta Tirk a li ser Bendava Tişrînê gelê Bakur û Rojhilatê Sûriyeyê berê xwe dan Bendava Tişrînê û dest bi nobetê kirin. Ji roja ku karwana gel derket rê û berê xwe da Tişrînê heta niha êrîşên Dewleta Tirk a bi SÎHAyan berdewam dike. Dewleta Tirk ji 8ê Çile heta niha 7 caran êrîş bi SÎHAyan êrîş kir û herî kêm 17 welatî hatin kuştin û 92 welatî ji birîndar bûn.
Êrîşên Dewleta Tirk a li dijî Bakur û Rojhilatê Sûriyeyê bênavber berdewam dike. Bi taybetî sivîlan û çavkaniyên xizmeta jiyanê dike armanc. Li gorî nûçeyên ku ji ajansan hatine komkirin di êrîşên li ser Bendava Tişrînê de, di 15 rojên dawî de 17 welatî bi SÎHAyan hatin kuştin û 92 welatî jî birîndar bûn.
Di i 22ê çileya 2025an de: Di êrişa dewleta Tirk a li dijî xwepêşandêrên Bendava Tişrînê de di nav de serokê Hevgirtina Al El Beyt a kantona Tebqayê Ednan Ilêwî gelek welatî birîndar bûn.
Di 21ê Çileya 2025an de: Balafirên dewleta Tirk êrişî nobedarên li bendava Tişrînê kir û di encamê de 2 sivîl hatin kuştin û 21 sivîl jî birîndar bûn. Navên kesên hatin kuştin wiha ne: Hezna Ebdê (endama Hêzên Parastina Civakê-Jin) û Mihyedîn Hisên Umer (endamê Partiya Yekitiya Demokratîk).
Di 19ê Çileya 2025an de: Dewleta Tirk bi SÎHA êrîşî Mertalên zindî yên bendava Tişrînê kir. Di êrîşê de 5 kesan jiyana xwe ji dest dan û 15 kes jî birîndar bûn. Navê kesên jyana xwe ji dest dan wiha ne: Şanoger Cûma Xelîl (Bavê Teyar), endamên Meclisa Malbatên Şehîdan Kêfo Osman û Ekrem Rexo, hevseroka Ofîsa Partiya Yekitiya Demokratîk a Qamişloyê Menîce Heyder û endamên Meclisa Qamişloyê Muzefer Mihemed û Ebdulqadir Îbrahîm ku dema nobedariya bendava Tişrînê dikir, di êrişa artêşa Tirk a dagirker de hatin kuştin.”
Di 17ê Çileya 2025an de: Di êrîşa SÎHA ya Tirkiyeyê de 1 kesî jiyana xwe ji dest da. Kesê di êrîşê de jiyana xwe ji dest da Mahîr Mihemed e.
Di 16ê Çileya 2025an de; Balafirên şer ên dewleta Tirk nobedarên Bendava Tişrînê bombebaran kirin. Di encamê de kesek hat kuştin, 3 jê rojnamevan 17 sivîl jî birîndar bûn.
Di 15ê çileya 2025an de: Di Rojekê de 2 caran SÎHAyan êrîş kir. Di êrîşa SÎHAyan de de 4 kesan jiyana xwe ji dest dan û 23 kes jî birîndar bûn. Xebatkarê qada tenduristiyê Omer Hesen, Hêza Mihemed û hevjînê wê Edhem Elî, endamê Meclisa Rêveberiya Xweser a Kantona Firatê Osman Îbrahîm li bendava Tişrînê hatin kuştin.
Di 8ê Çileya 2025an de; Dema karwanê wesayîtên gel nêzî bendavê bû, dewleta Tirk li ser rêya Sirîn-Bendava Tişrînê bi balafirên bêmirov û biçek karwan bombebaran kir. Di encama bombebaranê de 3 sivîl şehîd bûn û 15 jî birîndar bûn.
