The Wall Street Journalê destnîşan kir ku DYAyê lez daye xebatên xwe ku HSD û Şamê li hev bîne.
Rojnameya The Wall Street Journalê derbarê pêşveçûnên li Sûriyeyê nûçeyek weşand û balkişand ser têkiliyên di navbera DYA, Sûriye û HSDê de. Di nûçeyê de hate bi bîrxistin ku rewşa Sûriyeyê ya perçebûyî berdewam dike û di aliyê başbûnê de jî zêde pêşketin nînin. Rojnameyê daxuyand ku rayedarên DYAyê dixwazin Hikûmeta Demkî kontrolê li ser vî welatê perçebûyî çê bike û wiha got: “Ji ber ku DYA vê yekê di têkoşîna li dijî DAÎŞê de wekî gaveke bingehîn dibîne.”
‘Rayedarên leşkerî hewl didin her du hêzan li hev bînin’
Rojnameyê balkişand ser hevdîtinên ev saleke di navbera Hêzên Sûriya Demokratîk (HSD) û Hikûmeta Demkî ya Sûriyê û cih da van agahiyan: “Rayedarên leşkerî yên Amerîkayê ji bo lihevhatineke di navbera HSD û Şamê de dixebitin. Piştî zêdebûna bûyerên li Sûriyeyê rayedaran lez daye van xebatên xwe.”
