Artêşa Tirk û komên paramîlîter derdora Bendava Tişrînê ya Herêma Bakur û Rojhilatê Sûriyeyê topbaran kir. Li aliyê din Gundê Til Temîrê bombebaran kir.
Li gorî agahiyên ajansa me bi dest xistine, di van kêliyan de artêşa Tirk a dagirker û çeteyên wê derdora Bendava Tişrînê ya başûrê Kobanê yê Herêma Bakur û Rojhilatê Sûriyeyê bi çekên giran topbaran dikin.
Li aliyê din Dewleta Tirk gundekî Til Temirê da ber topan. Dewleta Tirk Gundê Qibûr El Qeracîna yê bajarê Til Temirê yê kantona Cizîrê topbaran kir. Derheqê encamên topbaranê de zanyarî nehatin bidestxistin.
