Li gorî statîstîkên DMMEyê yên 2025an Tirkiye di Serlêdanên ku îdiaya binpêkirina mafên mirovan dikin de di rêza yekem de ye. Li gorî daneyan ji Tirkiyê 18 hezar û 464 serlêdan hatine kirin.
Dadgeha Mafê Mirovan a Ewropayê (DMME) statîstîkên xwe yên 2025an eşkere kir. Li gorî daneyên DMMEyê, Tirkiye welatê ku di sala 2025an de herî zêde serlêdanên li dijî wê hatine kirin bû.
Li gorî nûçeya ajansa BBC, di sala 2025an de bi tevahî 53 hezar û 464 gilî li DMMEyê hatine kirin. Ji van 18 hezar û 464 gilî li ser îdiayên binpêkirina mafên mirovan ên ji Tirkiyeyê ne. Bi vê hejmarê, Tirkiye ji welatên din ên Konseya Ewropayê pir pêşdetir e.
Lê belê di gel vê yekê jî tê gotin ku ji Tirkiyeyê meyla daketina serlêdanan berdewam dike. Li gorî tomarên DMMEyê, hejmara serlêdanên li dijî Tirkiyeyê di sala 2023an de 23 hezar û 397 û di sala 2024an de jî 21 hezar û 613 bû. Daneyên sala 2025an jî kêmbûnek ji sedî 15 nîşan didin.
