Li Amedê bi pêşengiya TJAyê li avahiya DEM Partiyê endamên YJA Starê Emîne Erciyes, Zîn Zagros û Amara Toldar ku di dala 2020an de jiyana xwe ji dest dan, hatin bibîranîn.
Tevgera Jinên Azad (TJA) endamên YJA Starê Nazli Taspinar (Emîne Erciyes), Leyla Acar (Zîn Zagros) û Şehriban Akin (Ekîn Amara Toldar) ku di 20ê Nîsan 2020an de li herema Garê jiyana xwe dest dan, bi girseyî bi bîranî. Nûnerên TJAyê di bîranînê de wêneyên her sê jinan li ser masê bicih kirin û find pêxistin.
Bername bi deqîqeyek rêzgirtinê despê kir. Piştî rêzgirtinê dirûşmeyên ‘Şehîd namirin” û “Rêya şehidan rêya me ye, PKK Partiya me ye” hatin berzkirin. Sinevîzyona ji bo bîranîna şehîdan hatibû amadekirin hat temaşekirin. Piştre Delal Tellîoglu Gem helbesta bi navê “Tu Dîcle bû yî” xwend.
Hevseroka MEBYA-DERê Meryem Soylu di bîranînê de axivî û bal kişand li ser tekoşîna Emîne Erciyes û wiha got: “Çiyayên Kurdistanê ji kirine cih û war. Wek jinek xwe parastina xwe bi çiyayan re kirine yek. Hezkirin, bawerî û hêza şehîd Emîne Erciyes ezman tijî dikir. Ji bo xwişk û biratî û aştiyê bang li dewleta Tirk dikim; Rêberê Gelê Kurd berdin û em hemû ji bo civakek demokratik û azad bixebitin.”
Piştî axaftinê stranbêj Hediye Kalkan stranên xwe got û bername bi dawî bû.
