Weqfa Lêkolînên Civakî û Hiqûqê bi panelekê balê dikişîne ser zimanê Kurdî û dê di panelê de mafê perwerdehiya zimanê zikmakî û mafê zimanî yê hiqûqî werin nîqaşkirin.
Weqfa Lêkolînên Civakî û Hiqûqê (TOHAV) bi sernavê “Nîqaşên Civak û Hiqûqê” panelekê li dar dixe. TOHAV bi vê panelê dê balê bikişîne ser zimanê zikmakî yê Kurdî. Panel dê sibê (27ê Îlonê) saet di 14.00an de li Navenda Çandê ya Galatayê ya Baroya Stenbolê bê lidarxistin. Zimanzan Zana Farqînê jî wek axivêr beşdarî panelê dibe.
Panela ku dê parêzer Zozan Vargun moderatoriya wê bike, zimannas Zana Farqînî jî dê bi sernavê “Di warê perwerdeyê de rola zimanê dayikê” di panelê de biaxive û nîqaşê berfireh bike. Parêzer Ekrem Koçbaşi jî dê bi sernavê “Di hiqûqa neteweyî û navneteweyî de mafên zimanî” di panelê de biaxive.
TOHAV diyar dike ku zimanê zikmakî, di avakirina nasnameyê û kesayetîyê de cîhekî girîng digire û zimanê zikmakî jî yek ji mafên bingehîn ê jiyanê ye. TOHAV dide zanîn ku ew krîza ku ji avabûna welat hetanî vê demê didome, hewce ye ku çareser bibe û dibêje, “Em jî dixwazin vê pirsgirekê hilgirin rojeva xwe û bi tevlîbûna we ya panelê, em bi hev re nîqaşan bikin.”
