Donald Trump diyar kir ku ew amade ne ku destwerdanê li Îranê bikin û got, “Îran ji her demê bêtir nêzîkî azadiyê ye.”
Serokê Amerîkayê Donald Trump derbarê xwepêşandanên li Îranê li ser hesabê xwe yê medyaya dîjîtal de daxuyaniyek da. Trump diyar kir ku Amerîka pêşketinên li Îranê bi baldarî dişopîne û wiha got: “Em amade ne ku destwerdanê li Îranê bikin. Îran ji her demê bêtir nêzîkî azadiyê ye.”
Trump di civîna çapemeniyê ya li Qesra Spî de jî derbarê Îranê de daxuyanî dabû. Trump bi gotinên, “Ger li Îranê mirov bên kuştin, em ê destwerdanê bikin, em ê lê bidin” deriyê destwerdaneke leşkerî vekirî hiştibû. Trump gotibû, “Îran di tengasiyeke mezin de ye. Gel hin bajaran dixe destê xwe. Çend hefte berê, kesî nedifikirî ku ev gengaz be. Em rewşê bi baldarî dişopînin.”
