Şirnex – Ugur Ozkan (Hogir) ku di komkujiya pirsûsê de jiyana xwe ji dest dabû, li ser gora xwe hat bibîranîn.
Ugur Ozkan (Hogir) di 20ê Tirmeha 2015an de li gel 32 ciwanên sosyalîst xwest ji bo piştgiriya Kobanê derbasî kobanê bibe. Tevî wî 33 ciwanên sosyalîst li navçeya Pirsûsê di encama êrişa xwekujî ya DAIŞê de jiyana xwe ji dest dabû. Endam û rêveberên saziyên civakî û partiyên siyasî di 10emîn salvegera şahadeta wî de, ew li ser gora wî bi bîr anîn. Malbata Hogir Ozkan, endamên MEBYA-DER a Botanê, Rêxistinên DBP û DEM Partî û endamên saziyên Sivîl ên Şirnexê tevlî bîranîna li Goristana Asrî ya navçeya Cizîrê ya Şirnexê bûn. Di bîranînê de wêneyê Hogir Ozkan û gul danîn ser gora wî. Dîsa filemaya kesk, sor û zer jî li kevirê goristanê daliqandin. Bîranîn bi deqîqeyeke rêzgirtinê destpêkir û girsê dirûşmeyên, “Şehîd namirin” berzkirin.
Piştrê jî hevserokê DEM Partî yê Cizîrê Yılmaz Sanri axivî got: “10 sal di ser komkujiyê re derbas bûn. Em 10 sal in li pêy xewn û xeyalên wan in. Tu xeyal nîvco namînin. Xeyalên wan di dile bi molyonan kesan de dijîn. Heta komkujiya Pirsûsê nayê ronî kirin edalet pêknayê. Em li pêy edaletê ne. Tevî ku kujer bên ceza kirin ên ku ji bo Pirsûsê edalet dixwastin hatin darizandin. Hat xwestin ku komkujiya Cizîrê bi ceza bimîne. Em di salvegara 10emînba komkujiyê de daxwaza xwe ya edaletê careke din dûbarê tînin ziman. Em dev jî têkoşîna edaletê bernadin. Em ê edaletê bi têkoşîna xwe bidestbixin.”
‘Hogir Şehîde dozeyê’
Piştrê jî bavê Hogir Ozkan Mehmet Ozkan axivî û bi lêv kir ku Hogir ne tenê şehîdê wan e şehîde dozeye û bi wî serbilind in. Xwîşka Hogir Ozkan Hatice Ozkan jî destnîşan kir ku edî bila Ugur nemirin û got: “Bila kes nebêje Ugur diqedin ew naqedin. Heta edalet pêk were em ê têkoşîna xwe bidomînin.”
Piştî axaftinan girsê dirûşmeyên”Şehîd namirin” berzkirin. Bernameya bîranînê li avahiya DEM Partî ya navçeya Cizîrê bi temaşekirina sînevîzyonê bi dawî bû.
