Êrişên komên girêdayî Hikûmeta Demkî li ser Siwêdayê di roja sêyemîn de cih bi cih berdewam dikin.
Hêzên Hikûmeta Demkî ji 18ê Adarê heta niha êrişî gundewarên bajarê Siwêdayê dikin. Hêzên Parêzvanên Niştîmanî yên Siwêdayê jî bersivê didin van pevçûnan. Duh Hêzên Parêzvanên Niştimanî bi daxuyaniyekê ragihandibûn ku di encama êrişên Hikûmeta Demkî de 7 kesan jiyana xwe ji dest dane, 4 kes birîndar bûne û 19 kes jî hatine revandin.
Êrişi bendên kontrolê kirin
Êrişên li ser Siwêdayê şevê din jî li çend eniyan berdewam kir û di navbera komên Şamê û Hêzên Parêzvanên Niştîmanî yên Siwêdayê de şer derket. Şer li eniya rojava ya ber bi bajarê Siwêydayê ve bû, her du aliyan çekên giran û navîn bi kar anîn. Her wiha li eniya Til Hedîd piştî benda kontrolê ya Parêzvanên Niştîmanî bi çekên giran hedef hate girtin û şer derket.
Êriş pave hatin xistin
Hate ragihandin ku pevçûn heta seatên sibê ber bi gundên Welga û Mansûrayê ve paşve hate xistin. Lê der barê ziyanên canî de tu agahî nehat bi dest xistin. Tê payîn ku Hêzên Parêzvanên Niştimanî derbarê mijarê de daxuyanî bidin.
