Abdulkerîm Varişli piştî 14 salan ji girtîgeha Samsûnê tehliye bû, bi kulîlkan hat pêşwazîkirin.
Abdulkerîm Varişli ku 14 sal in di girtîhegê de dima û cezayê muebetê lê hatibû birîn, ji Girtîgeha Tîpa S a Kavakê ya Samsûnê hat berdan. Parlementera DEM Partiyê ya Şirnex Newroz Ûysal Aslan, endam û rêveberên DEM Partî û DBPê yên Şirnex û navçeyan, hevşaredarê Cizîrê Abdurrahîm Dûrmûş, rêveber û endamên Botan Tuhad-Derê, malbata Varişli û gelek welatiyan, Varişli li ser rêya gundê Emerînê yê navçeya Cizîrê bi kulîlkan pêşwazî kir.
Di pêşwazîkirinê de kevokên spî ku sembola aştiyê ne hatin firandin. Piştre Varişli û kesên hatine pêşwaziyê derbasî mala Varişli ya li gundê Emerînê bûn.
Hevserokê Botan Tuhad-Derê Aydin Denîz li vir axivî û got ew hêvî dikin, hemû girtiyên azadiyê yên di nava çar dîwaran de ne, di demek kin de bigehin azadiya xwe ya fizikî.
Parlementer Ûysal jî got heya hemû girtiyên siyasî neyên berdan ew ê têkoşîna xwe berdewam bikin ê wiha axivî; “Li girtîgehan bi hezaran girtiyê me hene, her hevalê me yê azad dibe û tê nava gelê xwe em pê keyfxweş dibin. Heya hemû girtiyên azadiyê tevî Rêberê Gelê Kurd Birêz Ocalan bên berdan dê têkoşîna me berdewam bike.”
Abdulkerîm Varişli jî da zanîn ku tundiya li ser girtiyan hêj jî berdewam dike û ev tişt anîn ziman; “Heya duh jî tundî û pêkanîn li ser girtiyan berdewam dikirin. Rast e pêvajoyek hatiye destpêkirin lê sîtavka vê pêvajoyê bandora xwe li ser zextên girtîgehan nekiriye.”
Varişli di 7 kanûna 2011an de li navsera Çiyayê Cûdî ni birîndarî hatibû dîlgirtin. Li gel ku pişta wî deriziye û nexweşiyên wî jî hebûn heya cezayê wî xelas nebû nehat tehliyekirin.
