Bi hezaran welatîyên navçeya Milazgîrê ya Muşê bi coşeke mezin li Qada Newrozê kombûn û Cejna Newrozê li tevahiya gelê Kurd pîroz kirin. Welatiyên beşdarî Newrozê bûn Newroz li hemû gelê kurd pîroz kirin û xwestin ev Newroz bibe Newroza Azadiyê.
Cejna Newrozê li 14 navendên bakurê Kurdistanê bi dirûşma “Rêbertiya Azad Civaka Demokratîk” tê pîrozkirin. Yek ji navendên ku Cejna Newrozê lê tê pîrozkirin jî navçeya Milazgîrê ya Mûş e. Li Milazgirê jî bi hezaran welatî li Qada Newrozê kom bûn û cejna Newrozê bi coşeke mezin pîroz dikin. Welatiyên beşdarî Newroza Milazgirê bûn xwestin ev Newroz ji bo hemû gelê Kurd bibe Newroza aştî û azadiyê. Welatiyan xwest agirê Newrozê hemû cîhanê ronî bike û bibe Newroza azadiya gelê Kurd.
