Rojnameya Xwebûnê di hejmara 279emîn de bi manşeta ‘Em ji hêza xwe bawerin’ derket pêşberî xwînerên xwe.
Rojnameya Xwebûnê di manşeta hejmara vê hefteyê de cih da hevpeyvîna ku bi fermandar YPJê Newroz Ehmed re li ser lihevkirina li Sûriyeyê ya di navbera HSD û HTŞê de hatiye îmzekirin û pêşeroja YPJê ya di nav Sûriyeyê de. Newroz Ehmed di hevpevînê de da zanîn ku ew ê hikûmetek ku vîna gel tune dihesibîne qebûl nekin û got: “Em wekî YPJ tu caran tavîzê nedin û ji bo gelê me çi bedel pêwîst be em ê bidin. Lihevhatin qadên me yên xebatê berfirehtir dike û ji bo me derfetên berfireh ava dike. Em li ser vî esasê lihevhatinê dinirxînin.”
Rojnameyê di surmanşetê de jî bi boneya salvegera çapkirina Rojnameya Kurdistanê û Roja Rojnamegeriya Kurdî cih da nivîsa nivîskar Mehmet Şahîn.
Di rûpela Jinê de Bêrîtan Behram Xalid bi sernavê ‘Terorîstên duh, rêveberên îro’ bal kişand ser nêzikatiyên HTŞê yên li dijî civak û jinan.
Nivîskar Felemez Ûlug jî di nivîsa xwe ya rûpel 6an de bal dikşîne ser konferansa ku li Romayê bi beşdarbûna 360 kesan pêk hatiye û dibêje ev konferans diyar dike ku êdî Rêberê Gelê Kurd Abdullah Ocalan bûye rojeveke cîhanî.
Di hejmara vê hefteyê ya rojnameyê de di gelek mijarên cuda de nivîs û analîz hene. Herwiha di rûpela 12emîn de bi boneya salvegera qirkirina ermeniyan gotarek hatiye madekirin.
