Şaredariya Peyasê û Komeleya Akademiya Sînemayê ya Rojhilata Navîn, di 26-30ê Îlonê de Festîvala 9emîn a Belgefîlman a FilmAmedê pêk tîne. Alîkarê Hevşaredarên Peyasê Yilmaz Guneş destnîşan kir ku yek ji bingeha Aştî û Civaka Demokratîk jî huner e.
Festîvala Belgefîlman a FîlmAmedê ya 9emîn dê di 26-30ê Îlonê de bi dirûşma “Reh… Li dora agir rastiyên efsûnî…” li Çand Amedê pêk bê. Rêveberiya Çand û Karên Civakî ya Şaredariya Peyasê û Komeleya Akademiya Sînemaya Rojhilata Navîn dê bi hev re vê mihrîcanê pêk bînin.
Alîkarê Hevşaredarên Peyasê Yilmaz Guneş di têkildarê festîvala Belgefîlman a FîlmAmedê ya 9emîn de ji ajansa welat re axivî. Yilmaz Guneş bal kişand ser sînemagerî û nasnameya kurdî û wiha dest bi axaftina xwe kir: “Em ê di navbera 26 û 30yê Îlonê de Festîvala Belgefîlman a FîlmAmedê pêk bînin. Di vê çarçoveyê de dibê em dîrok, wêje û sînemageriya gelê xwe di her qada jiyanê de ji nûve binivîsînin.
Milletekî ku li ser vê axê bijî bêziman, nasname, dîrok, wêje û sinema nabe.
Serlêdanan ji bo sînemageriya Kurdî serbilindiyek e
Yilmaz Guneş, der barê serlêdanên Festîvala FîlmAmedê de jî axivî û got: “Heya niha ji bo 771 belgefîlman serî li Festîvala BelgeFîlman a FîlmAmedê hatiye dayîn. Ev ji bo gelê kurd şanaziyeke herî mezin e. Heya niha festîvalên Berlînê, Kanadayê pêk hatine li Tirkiyeyê jî festîvalên fîlman çêbune. Lê ewqas serlêdan ji bo festîvalên fîlman nehatine kirin. Bi rastî ev serlêdanan ji bo sînemageriya Kurd serbilindiyek e. 10 mehin em ji bo vê festîvalê dixebitin. Di van serlêdanan de di serî de ji çar parçeyê Kurdistanê û ji welatên wekî Amerika, Belçika, Almanya, Kanada, Fransayê 75 derhêner û kesên ji sînemayê hez dikin rol û ristek mezin pêk anîn.”
Bingeha Civaka demokratîk û aşitiyê yek jî jê hûnere
Yilmaz Guneş da zanîn ku gelê Kurd li bajarê Tirkiyeyê dema dawetên xwe dikin, bi zimanê xwe diaxivin rastî êrişan tên û wiha axivî: “Ev mijar ji bo me pirsgirêkên girîng in. Em niha di pêvajoya Aştî û Civaka Demoktatîk de derbas dibin. Heger aştiyek bê divê li her qadê jiyanê, di warê sînemagerî, huner, çand û ziman de jî aştiyek pêk bê. Yek ji bingeha Aştî û Civaka Demokratîk jî huner e. Cewherê mihrîcana îsal jî Aştî û Civaka Demokratîk e.”
Xelata me ya îsal li ser edalet û hiquqêye
Yilmaz Guneş di axaftina xwe de li ser xelatên festîvalê da zanîn ku: “Xelata me ya îsal li ser edalet û hiquqêye. Di vî warî de siyasetmedarê Kurd birêz Orhan Dogan wek şagirtekî aştiyê bu emê xelata yekemîn diyarê wî bikin. Ev tê wê wateyê festivala kû em li dar bixin xaleke wê heye di aşitiya cîvaka demokratîk de em ê vê rola xwe çawa bînin. Xelata xwe ya duyemîn di tekoşîna gelê Kurd de pêşengtî kiriye di 21 saliya xwe de mafê gelê Kurd aniye ziman ciwana jin ya herî tekoşer Leyla Qasim xelata azadiyê emê diyarê wê bikin. Xelata me ya sêyemîn em diyarê xwezayê dikin. Li ser axa Kurdistanê dagirkerî heye, wêranî heye, em dixwazin bi vê xelatê bala civakê bi rêya sînemageriyê bikşînin li ser xwezayê û vê xelatê jî diyarê Baxçeyên Hevselê bikin. Xelata me ya çaremin jî em diyarê Kemal Kurkut ê ku di newroza Amedê de hatiye kuştin dikin.”
Emê li ser sînemageriya Kurdî danûstandinê bikin
Alîkarê Hevşaredarên Peyasê Yilmaz Guneş di dawiyê de li ser bernameya festîvalê axaftina xwe wiha domand: “Ji Amerikayê bigirin heya Arjantînê ji her çar aliyên Kurdistanê curbecur ji welatên Ewropayê derhêner, sînemager, zanist wê werin Amedê. Em ê li ser sînemageriya Kurdî danûstandinê bikin. Ya herî girîng em ê bi fîlma Jinwar dest pê bikin. Di nav 771 belgefîlman de me 24 belgefîlm hilbijartin û em ê van belgefîlman bi gelê xwe re li eywana Çand Amedê parve bikin.”
