Fermandariya YPJê pêkanînên dermirovî yên hezên hikûmeta demkî ya Şamê li hemberî cenazeyê endameke Hêzên Ewlekariya Şêxmeqsûdê kiribûn bi tundî şermezar kir.
Fermandariya Giştî ya Yekîneyên Parastinê Jin (YPJ) derbarê pêkanîna li dijî rmirovî ya ku hezên Hikûmeta Demkî ya Sûriyeyê li hemberî cenazeyê endameke Hêzên Ewlekariya Hundirîn a Şêxmeqsud di ser awahiyeke de avêti de, daxuyaniyek weşand.
Daxuyaniya YPJê wiha ye: “Li hemberî hişmendiya cîhadîst a çeteyên hikûmeta demkî ya HTŞê û çeteyên dewleta Tirk, di şerê Helebê de Hêzên Ewlekariya Jin heya van kêliyan berxwedaniyeke bêhempa didin meşandin.
Di şoreşa Bakur û Rojhilatê Sûriyeyê de jinên azadîxwaz gelek caran bûn tirs û xofa dilê dijminê xwînxwar. Tevî hemû êrîşên dermirovî jî, jinên tolhildêr tu caran li beramberî hişmendiya desthilatdariyê serî netewandin. Di çanda Bakur û Rojhilatê Sûriyeyê û Rojhilata Navînde rûmeta jinê, rûmeta gel e. Ji bo vê yekê çeteyên dagirker dixwazin bi pêkanînên xwe yên der exlaqî re, hêviyên gel bişikînin.
Li gorî agahiyên ku tên belavkirin, li hemberî cenazeyê şervana Hêzên Ewlekariya Hundirîn pêkanîna dermirovî hatiye kirin. Ev nêzîkatî ne cara yekeme, li beramberî van rêbazên hovane, jin û gelê me tu caran netirsiyan û bûn hêza avakirina azadiya xwe.
Hêzên Parastinê yên jin tu caran li hemberî vê hişmendiyê gav paşde ne avêtiye û wê ne avêje. Em dubare berxwedaniya Barîn Kobanê, Amara Rênas û Amargî Çiya bibîr dixînin. Van şervanên pêşeng tevî hemû êrîşên hovane yên dijî mirovahiyê jî, berxwedanî hilbijartibûn. Îro şervanên Hêzên Ewlekariya Jin jî li ser vê rê dimeşin.
Wek YPJê em xwe ji parastina hemû jinên Sûriye û cîhanê berpirsyar dibinin. Em van kiryarên dermirovî bi tundî şermezar dikin. Em bang li hemû kesî dikin ku li dijî hemû kiryarên ku rûmeta jin û gelan dişikînin, di şexsê Dilbirîn, Faraşîn, Denîz, Rojbîn û Hawaran de xwedî li mîreteya tevahî şehîdên şoreşê û şehîdên fedaî yên li Helebê derkevin da ku berxwedaniya serkeftinê çêbibe.”
