Vartoyij û aktîvîstê ekolojîyî ke Îzmîr de ciwîyenê, vera santralê enerjî yê jeotermal ke yeno plankerdene ke bêro viraştene, bi beşdarîya xeylê sazgehanê sîvîl û komelan do roja şeme eşkerayîya çapemenî bidê.
Vera santralê enerjî yê jeotermal ke yeno plankerdene ke Gimgim de bêro viraştene, reaksîyonê şarî vêşî benê. Vartoyij û aktîvîstê ekolojîyî ke Îzmîr de ciwîyenê, vera santralê enerjî yê jeotermalî, bi beşdarîya xeylê sazgehanê sîvîl û komelan do eşkerayîya çapemenî bidê. Eşekrayî do hetê Platformê Ekolojî yê Varto, Komela Gimgimî ya Îzmîrî, DAD Îzmîr, Ekolojî Goşkar, Baretinê Azadî û SOZDER ra 28ê adare roja şeme saete 18:00î de Meydanê Kasaplar Çîglî de bêra dayene.
‘Ma Gimgim de Jeotermal nêwazenê’
Sazgeh û komeleyî ke bi sloganê “Gimgim de Santralê Jeotermalî rê Nê” yenê têhet, dîyar kenê ke no proje seba waranê ramitiş û çerxê cuya xozayî beno sebebê zeraranê girdî. Afîşê vengdayîşê eşkerayî de yeno vatene ke ganî xoza û waştişê şarê herême bêrê pawitene.
