Heyetê DEM Partî ke seba têhetameyîşê dîyini ke Abdullah Ocalanî reyde yeno kerdene do ewro şêro Girawa Îmraliyî.
Parlamenterê DEM Partî Sirri Sureyya Onder û Pervîne Buldan 28ê Kanûne de Hepisxaneyê Îmraliyî de Serekê PKK’yî Abdullah Ocalanî reyde ameybî têhet. Heyeto ke Sirri Sureyya Onder, Pervîn Buldan û sîyasetmedar Ehmed Turkî ra ameyêne pê, dima serekê partîyanê sîyasîyan ke grûba înan Parlamentoyî de est a, sîyasetmedarê hepsî, endamê DEM Partî û dormaleyê cîya-cîyayan reyde ameybî têhet.
Ame zanayene ke Heyetê DEM Partî yê Îmraliyî seba ke reya dîyine Abdullah Ocalanî reyde bêro têhet do ewro şêro Girawa Îmraliyî. Nêame zanayene ke kam do heyet de ca bigîro.
