Komîteya Şaran û Bawerîyan a KCK’yî Roşanê Qurbanî bimbarek kerd û vat ê hêvî kenê ke roşan bibo wesîleyê xurtkerdişê fehmê aştî, hîsê edaletî û exlaqê azadîye.
Komîteya Şaran û Bawerîyan a KCK’yî bi wesîleyê Roşanê Qurbanî mesajêk pare kerd û nê vatî:
“Ma roşanê muslumananê Kurdîstanijan û heme alemê îslamî bimbarek kenê. Ma hêvî kenê ke no roşan komel de fehmê aştî, hîsê edaletî û exhleqê azadîye xurtêr bikero. Roşan wa bibo wesîleyê ci ke waro ke heq û huqûq tede est o û problemî bi sîyaset û dîyalogî yenê çareserkerdene wa bêro afirnayene. Wa kulturê paştîdayîş û wayûbiratîye yê mabênê şaran û bawerîyan xurtêr bikero.
Ma sey têgêrayîş bawer kenê ke gerek erjê kulturî yê roşananê dînîyan zî bêro famkerdene. Roşanê Qurbanî ke vera caardişê kê zalîmî vera vejîyayê gerek goreyê manaya xo bêro bimbarekerdene. Na bawerîya ke merdimîya ke ameye qurbankerdene destê zaliman û înkarkaran ra xelisna, wa vîrê ci roja ma de bêro caardene. No gureyêko bimbarek o.
Coka gerek ma xo vîra mekerê ke roşan de hende qurbanî wezîfeyê ma yê erjîyayî yê bînî zî est ê. Roja ma de tewirgirewtişê vera zalimanê ke maskeyê dînî kenê pa, cesareto Îbrahîmî hewce keno. Nê semedî ra ma veng danê kesanê wayîrê wîjdanî ke girêdayeyê nê tradîsyonê bimbarekî yê wa têkoşîn bikerê.
Ma veng danê dormeyanê eleqedaran ê Kurdîstanî ke bi wesîleyê roşanî wa xebatanê yewîya neteweyî xurtêr bikerê. Na xebete şarê ma rê dîyarîya tewr pîle ya roşanî ya. Gerek ma vera kesanê ke wazenê mabênê şaran û bawerîyan ê Kurdîstanî de fîtne vejenê, haydar bibê. Vera heme cîyakerdişan ma komelê demokratîkî aver bêrê. Ma pêro pîya paştî bidê Vengdayîşê Aştî û Komelê Demokratîkî yê Rayberê Şarê Kurdî yê 27ê sibata 2024î.
Roşanan de şarî bawerî û kulturê xo ciwîyenê. Bi na wesîle sere de seydayê ma, ma veng danê şarê xo ke wayîrê kultur û ziwanê xo bivejê. No wezîfeyêko merdimi û neteweyî yo. Kurdî gerek roşan de heme aktîvîteyanê xo bi Kurdkî û goreyê tradîsyonê xo bikerê. No zî wecîbeyêko dînî yo.
Bi wesîleyê nê roşanî ma reyna şehîdanê xo bi hurmet û mînet yad kenê. Sey roşanê binan ma nê roşan de zî bi girseyî şehîdgehanê xo zîyaret bikerê. No wezîfeyê ma yo neteweyî yo. Ma gerek wezîfeyê xo yê vera şehîdan û gazîyanê xo bîyarê ca. Reyna ma keyeyanê şehîdan zî tena meverdê, madî û manevî paştî bidê ci. Ma şexsê keyeyanê şehîdan de roşanê heme şarê xo yê erjîyayeyî bimbarek kenê û semedê serkewtişê înşayê cuya demokratîke veng da nê ke wa her kes bixebito.”
