Şaredarîya Amedî ya Şaristanê Amedî, seba ke hemwelatîyî bieşkê bi bi hawayêko musaît xo bîrê nanî, dest bi ronayîşê bufeyanê “Nanê Şarî” kerd.
Xebatê awankerdişê bufeyanê “Nanê Şarî” ke hetê Serekîya Daîreyê Karanê Fenî ra Taxa Bagcilar a qezaya Rezanî de yenê rayraberderdiş, ver bi peynîye şonî. 43 cayanê sûke de ronayîş û montajê bufeyanê “Nanê Şarî” dest pêkerd. Tesîs bi makîneyanê otomatîkan û teknolojîya peyênî ame xemilnayene û pîvanê hîjyenî tewrê asta berze de ameyî girewtiş.
Rojêk de do 100 hezar nanî bêrê viraştiş
Tesîsê “Nanê Şarî” yo ke warêko padaye yê 4 hezar û 500 metrekareyî ser o ameyo awankerdiş, demo ke dest bi fealîyetî bikero gama ewiline de do rojêk de 40 hezar nanan virazo. Yeno amanckerdene ke demanê ameyoxan de na kapasîte biresa 100 hezar nanî. Bi na kapasîteya xo no tesîs do bibo merkezanê muhîman ê berardişî yê Amedî ra yew.
Nan do bi vayîyêka kêm bireso destê hemwelatîyan
Nanê ke nê tesîsî de yenêviraştene, ewil do seba hemwelatîyanê ke debara înan zehmet yena kerdiş û seba pêro şarê Amedî bi vayîyêka tewr kê bêrê rotiş. Vilakerdişê nanan do bufeyanê “Nanê Şarî” de ke çar qezayanê sûke de yenî ronayîş, bêro kerdiş.
Do seba 100 merdiman bibo fersendê karî
Bi destpêkerdişê xebata nê tesîsê modernî, do seba nêzdîyê 100 merdiman îmkanê gurîyayîşî virazîyo. Yeno zanayene ke tewrê personelanê ke do bufeyanê “Nanê Şarî” de bixebitîyê, na hûmare hîna vêş biba.
43 cayanê sûke de bufeyî yenî ronayîş
Na çarçewa de do qezayanê Sûr, Yenîşehîr Peyas û Rezan de 43 nuqtayanê dîyarkerdeyan de bufeyê “Nanê Şarî” bêrê ronayîş.
Cayê ke do bufeyî tede bêrê ronayîş nê yê:
Sûr: Berê Rihayî, Meydanê Şêx Seîdî (Berê Koyî), Balikçilarbaşi, Dewa Kabê, Palûkê û Tilelo.
Yenîşehîr: TOKÎ Uçkuyu 1, Taxa Fabrîkayî, Sanayîya Organîze (Taxa Al), Taxa Çelîk Evler, 450 Evler, Toplu Konut Seyrantepe, Taxa Cumhûrîyetî (Seyrantepe), dormeyê Kuçeyê Hunerî, dormeyê Sazgeha Goşt û Maseyan ya Taxa Şehîtlikî yan zî Parka Kirmizi, kîşta Stada Kehene û Ben û Sen.
Peyas: 500 Evler, Dinga Çeşmeyî ya Gazîlerî, Camîyê Bedîûzzamanî yê Dîclekentî, hemverê Zarokîstanî, Taxa Huzurevlerî, dinga peyên a Huzurevlerî, dekewtişê Otogarê Qezayî, Peyas Yenîyol, çatyaryîrê peyê Wînstonî, Kuçeyê Tekelî û Bazarê Hanîmellerî.
Rezan: Oglakli 1, Oglakli 2, Oglakli 3, Oglakli 4, dormeyê Nînovayî, dormeyê Kuruçeşmeyî, kîşta Lîseya Ataturkî ya Kehene (vernîa Petrolê Oryilî de), kîşta îstasyonê benzînî yê peyê TMO’yî, goşeyê camîyî yê peyê Goristanê Alîpinarî Korxet, Baglar Dortyol-Nêweşxane, dormeyê Parka Sarî, nîmeyê Kolana Sakaryayî (peyê Lokantaya Ozlemî de), goşeyê corî yê Zindanê Amedî, serê rayîrî ke DÎSKÎ ra şono Halê Neweyî, peyê Salona veyveyî ya Zana û dormeyê Kuçeyê Aram Tîgranî.
