Meydanê Newroza “Rêbertîya Azade, Komelo Demokratîk” ya Amedî de bi des hezaran kesî dawile û zirne û deyîran reyde govende gênê û Newroza Azadîye pîroz kenê.
Newroza emserî bi sloganê “Rêbertîya Azad, Komelo Demokratîk” hetê DEM Partî, DBP û TJA’yî ra yena organîzekerdiş.
Saete 10 de berê meydanî ameyî akerdiş û ameyîşê meydanî dest pêkerd. Hetêk ra bi des hezaran şar yeno meydan û hetêko bîn ra zî bi des hezaran şar meydanî de deyîran reyde govende gênê û Newroza Azadîye pîroz kenê.
Bi des hezaran şar zî binê sîya resimê Rêberê Şarê Kurdî Abdullah Ocalanî û Heyetê Îmralî ke 27ê Sibate de Hepisxaneyê Îmralî de ameyo antene, Newroza xo pîroz kenê.
Abdullah Ocalanî reyde
Her ke şîno meydan pir beno û emser yeno pawitis ke milyonêk ra vêşêr kesî beşdarê Newroze bibê. Bi des hezaran kesî slogananê “Bijî Serok Apo”, “Bê Serok jiyan nabe” û “PKK şar o, şar tîya yo” berz kenê. Hem zî posterê Rêberê Şarê Kurdî Abdullah Ocalanî meydanî de yenê gêraneye û şar zerrîwazîya xo ya Abdullah Ocalanî ano ziwan.
Verê ke adirê Newroze bêro veşnayene, endamî, rayberê partîyanê sîyasîyan û rêxistinanê komelkîyan Kemal Kurkut ke Newroza 2017 de hetê polîsan ra ameybî kiştene, cayê ke tede ameybî kiştene, o ard xo vîrî.
