Emserre rixmê wişkî û qirkerdişê xozayî, Koyê Gabarî de Daristanê Çilo şîn bîyê. Uca de vengê Radyoya Rojawanî ko ra vila beno û bi xozaye ra beno yew.
Xozaya Kurdistanî bi serran a ke bi destê dewlete û karmandê ci yeno talankerdene. Bi xususî Şirnex de bi baxaneyê gêrayîşê petrol û komirî her ca ameyo wêrankerdiş. Koyê Cûdî de xanê komirî, Koyê Gabarî de zî gêrayîşê petrolî dewam keno. Bi teqemenîyan, şewatan û darbirnayîşê xoza gam bi gam ameyo çinkerdişî.
Bi nê hêrişê ser xozayî zî Gabar de bi ameyîşê demserra wisarî ra ganîbîyayîşêk est o. Sey bin zî ver verê koye dîmenêko balkêş merdim hembêz keno. Koye sey quleyêkê Asûrîyan a, her ca vînena.
Çikê tewro balkêş no yo ke serê Koya Gabarî, antişê Radyoya “Roja FM’î” yo. Hetê cayê radyo, quleyê lejkerî û qalekolî est ê. Ver verê koye de darê Çilo pelê xo newe akerdê, Deşta Lala ya serê Koya Gabarî de deme merdim ewnîyeno; Şirnex, Cizîr, Qesirk, Dêrgûl, dewa Şêxê Rel, Ziron, Çemê Şemo, Banêmihenda û Koya Cûdî bi heybet merdim pêşwazî kenê. Deşta Lala serrê 90î bi baxaneyê “ewleyî” hetê dewlete ra ameya vilakerdene û hema zî kewtişê dew û herême qedexe yo.
Deşta Lala de vilikê wisarî, pincarê werdî û awa şimitişî rixmî wişkîye zî merdim pêşwazî kena. Awa çirran herikyena, gul û vilikê newe akenê.
